MAY18，買書5本

祈望日日都係讀〔儲？〕書天的我，呢個四月又進帳五本。

張草的《北京滅亡》。那天去書店探貓，順手買的。買書前完全唔知有1626年5月30日0900在北京順天府〔北京城〕內有單「王恭廠大爆炸」。

我會把看過的書放在FB，方便自己做記錄也可和同樣喜歡看書的友儕分享。估唔到這一單疑案引了我學六十四卦的老師興趣。原來佢都係見到我個 post ，才知有呢單神秘事件。哈哈，朋友話，中史點會教丫。就係因為中史唔教，大家個腦袋就無得撞下震下。

老師係紫微斗數高手，那天課後同我講了幾句，就開始揭萬年曆，應該會起個盤？期待他的研究結果。

係喎。睇完書都無乜點寫過我對這個爆炸的想法，諗諗，再寫。

在灣仔森記見到《沙門空海之唐國鬼宴》系列，掃埋二三四部先。〔已睇哂！〕

不過，未睇第三部的我，唔明點解封面的男士畫到秦王咁。雖然二世叫胡亥，不過應該無關係吧。或者。

那天和朋友在上環聚會，趁有時間去了佛住世行下。見到呢本書，好吸引，有催眠，有松果體咁咁，馬雅等等等等…而且店長話書籍有八折喎…好吸引。雖然本書被店內長年的香薰得書頁的邊鵝黃色，不過都照買啦。

呵呵呵！月前在 Amazon UK 訂的書，配合劇集五月播出日期才發貨，預計五月尾才收到書，驚喜係在12號一個 Blue Monday 的上午，一噴完鼠尾草 block 負能量都無五分鐘，OA 就把這包裹放到我檯上。嘩哈哈哈！呵呵呵。超開心呀。

未必睇，但限量版要買要買。

正正。