呢D地方真係要完全唔趕時間至去得，一個鐘放飯時間真係匆匆的吃匆匆的走，無得慢慢品嚐真滋味。
雖然很久前已知這間店，亦一直有 follow FB page ，不過就係騰唔出時間去食。哈哈哈。感謝呢日 C 約我去呢間飯局。被動就有動力郁。哈哈哈。
之前拍過佢呀，呢日行過，咪走入店搵佢囉，原來小朋友在睡覺。我無搞佢咖，只係我一拎手機對焦，佢就對我喵哂，弄得店主真係望過來睇哂咩事。老尷。
貓貓你好。打擾了。
話佢口若懸河，因為在另一位拍貓人度睇到，呢位貓朋友好鬼好傾咖。哈哈哈。
話說朋友星期一問我星期日有無收穫…收穫？想了一陣，才記得講過星期日去珠寶展。
究竟我係咪癡左線，我竟然一粒石仔都無買到。在場內無花過任何錢。所以朋友問我有無收穫時，我腦的確空白了片刻。嘩哈哈哈。
莫非這就是心如止水？
的確，呢個月我真係一件石都無買到。不過還留著兩件石頭欠緊賣家錢。會贖的，不是呆壞賬。
相片攝於場內館與館之間的空檔時間，玻璃是藍色，看相也是一片藍，索性轉為黑白好了。
新朋友帶我去威，話中環有間一人理髮店，逢周六晚上會做爵士之夜，有樂師現場為大家演奏。好好好，多見識不一樣的香港才對得住自己嘛。
在西營盤食過晚飯，我們一行四人沿贊育那邊走回美輪街道。距入場時還有空裕時間，他們走進理髮店附近的酒館看看買不買到好酒〔V是儲酒人〕。店主是個熱情的澳洲人，幾個月前才開這間實體店。有辦 wine tasting ，詳情可直接去店查詢…因為我忘了酒館的名字。哈哈。
他們當然有收穫啦，而且知道理髮店都有同佢買酒。係，理髮店係有酒供應。Jazz night 嘛。點可以無一杯在手？
接埋剛到的朋友，這晚有五個人。
入場貴一百包一杯飲品，大家在門口一組組入，付費，點酒〔有汽水啦〕，然後在店裡找個位置坐定定等開場。因為表演係九點，而我們八點已到，所以五個人坐到閣樓一隅，自成一角。朋友也開定酒〔可以帶酒來，當然不可以過份〕。望著魚貫的人進場，我們聊著聊著，等開場。
這晚樂師只有兩位。朋友話上一回有五個表演者哩。不要緊，出色的，一個樂師都足以撼動全場。呵呵。
因為有張 SOGO coupon 在7月21到期，為免浪費，加上我真係有 foundation 要買，於是去了濕平！
早前和朋友飯局，她說上化妝班時負責人係推 Bobbi Brown 的粉底好用，而她用過也感覺好好，所以都推介畀我。哈哈。咁有 coupon 就試新牌子啦。
粉底都有好幾款。因為我皮膚乾，在冷氣地方出油嚴重，加上本身好多瑕疵，咁 BA 就介紹 Intensive Skin Glow Foundation @ HK$580。因為香港官方網頁無色板睇，於是去美國官網找，竟然沒有呢個，要去到澳洲官網至有。奇。
和朋友去放題，比入場時間早半個小時，時間尚充裕的情況下去了轉角的佛住世逛逛。阿蛋走後在店裡供了四十九日燈，跟住都無來這店。轉眼已是三年前的事。
這天來到，除了買一本書〔後來在樂文書店都見到〕，也買了這包藏香。
青海有去過，塔爾寺呢？搜索十幾年前的記憶都不及上網找找快 memory recall 。哈哈。望著相中一列白色佛塔，哈哈，的確去過。
應該係當年旅程的第一個景點。不過詳細的記憶片段真係想不起來。
My blog is worth $3,387.24.
How much is your blog worth?
