신과함께．與神同行

因為有人話故仔講地獄審判，而故事也寫得好〔商業計算準確〕，所以N年無睇韓片的我都入場觀摩觀摩。

話係大製作，哈哈，韓國呢套大製作比起深圳河以北的瓷器國所謂大製作都係高好多班啦。至少，這是一個有故事有感受有想法的電影，而不是齋堆出一座座誇張的佈景道具來渲染「空洞無物」。當然，此城的合拍片也是柒得好難睇。

另一個當然，這電影那邊應該上唔到畫。講神講鬼講地獄喎。哎，真係玻璃碎一地。

呢套的「催淚彈」對我來講唔夠之前看的電影強，不過最後真係一野核爆那種要你喊腫眼離場。我都睇到眼濕濕拭過幾次眼淚。大概，故事人物太苦好很慘，卻又加點冷嘲來緩衝下氣氛啦。點都好，拎定紙巾在手啦，我睇那場好多搣紙巾袋貼的聲啊。

好滿意。

期待II。〔維基話有第2集喎〕