石榴和黑碧璽

高人除了叫我用粉晶水洗面，還叫我整條紅石榴腰鏈配戴，咁佢用掌掃一陣，提議鏈加黑碧璽。於是，一條石榴和黑碧璽間住穿的腰鏈就在店裡穿成。

手拎起好重咖，不過當皮帶穿，重量均分了，就唔覺其重量喇。而且完全唔覺箍住個肚，正啦。

朋友問我價位…呢層，哈哈，呢條過千銀啦。因為需要2條半石榴石加黑碧璽才穿成。真係有肥腰連錢都用多D呀呢次！

水晶其實唔以日長戴，不過新試的話，先早晚戴足感受效果先。試了幾天，其實石榴石好熱，長時間圍在下腹位置，肚腩同下腹位都熱烘烘的，好似剛做了艾灸咁〔廿四小時發熱〕。怪不得石榴石係女人恩物啦，長期暖住個肚至子宮位真係好重要呀！

尤其係我呢類血氣唔好，又常飲凍飲，睡眠不足，皮膚差的港女。哈哈。

感謝高人的教導。