Aventurine．東菱玉

嗱，呢枚東菱玉〔砂金石〕係意外購入。

話說那天在店子掃貨完畢，錢都畀哂，貨都袋袋平安時，店主話有些好靚的靈擺問我有無興趣用唔用畀個優惠價我，旋即從櫃內拿出三盒不同切割鑲嵌的靈擺攤出來。哈哈哈，明明我已有數枚喜歡的靈擺喇，可是盛情難卻，反正都係幾十元一枚，就看看會不會遇到心儀的石頭或款式吧。

這個水滴形的東菱玉好可愛啊！有閃閃沙光咁，而且力量都好強，問佢肯唔肯跟我走，它搖動幅度好大啦…

定係本身我五行多木，所以同屬木的它反應變得更大？

點都好啦，開開心心咁帶了它返去。

玉石有僻邪作用，網上說東菱玉有聚財招財的能力，唔多賭錢的我唔知可以招到什麼呢？有無財主佬？都係財源啦。哈哈。

至於聚財嘛，只要忍下手忍下慾念，應該得吧。〔如果忍到的話〕

因為這枚玉很輕巧，我幾乎係隨身帶住啦。