丁酉賀年，買書4本

新一年繼續開卷有益。開益年初二就開市，所以沒事可幹的我都貢去逛書店，看看會不會有心水而買買買。係呀，落大雨也不失買書雅興。見其他客平均都買三百幾元書，好啦，我都湊個三百幾元啦。新一年，書店開市就唔運桔喇。哈哈哈。

這天，執了四本。

《黑色救護誌》。嘿嘿嘿，沒想過係講靈異事件，所以揭了幾揭就索性買埋。講起靈異事，年三十跟同事食晏，就大講鬼怪。有個話，某南亞國一個叫雲X的地方，通往山的路係好危險，車禍是常有之事。然而，話說有一個夫婦駕車上園區中途拋錨，男的下車掀起車頭蓋烏身在忙著，女的就在車內等。不久之後，有架警車慢駛而過，越過私家車不久就停下來，幾個警察落車，拔鎗，緊張地指著私家車方向，大叫那位男士企直轉身唔好周圍望向他們方向行，那男士唔知咩事當然跟著照做啦。行去警車旁就被喝令上車，而其他警察一同上車還即時駛走警車。隔半晌男人大叫『我老婆還在車上呀！』…但，車上的警察安慰叫佢算啦，死了。沒有了。原來當時有隻山精在車上啃食緊個女人。

這書跟以上都市傳說無關啦。不過，如果在生活中因通了天眼而常常望到另一個空間的東西阿飄咁，都真係好恐怖。以前有位同事呀，佢睇到阿飄咖，佢話走在街上，見到那些印堂有黑的人，背後總有阿飄跟著。嚇到幾個圍著佢聽故事的人，都寒一寒。點知佢當時見唔見到阿飄…

都市傳說，見仁見智。正如你識潛水，對住個唔識潛水的人大講潛水的好玩刺激處，那個人係唔會有太多感受。針唔拮到肉係唔知痛啦

《你說，寮國到底有什麼？》村上春樹的書。上一本都未看，又買。

《恨意、精神分析與羅夏克墨漬測驗》，這本書放在心理學類別的書架上。講二戰戰犯在紐倫堡審判時的精神心理狀態狀況。先前看了《平凡的邪惡》及《活出意義來》，應該要睇埋這本。

《奧修：愛》。

努力努力。