鮨文

約了早上去做身體檢查，下午就有電訊上門換機頂盒，中間偷得時間衝去鮨文吃 Omakase 。雖然我係一個海膽控，可是難得去吃，梗係食下不同的刺身啦。負責人話周末日的期已排到下年2月，怪不得我上次來無位啦。不過，這天是平日，店中得十個位，而我 walk in 幸好有位，我係第四個。

菜牌最便宜係 HK$300 的 Omakase ，不過卻好味過我以往吃過的壽司。真係黐線地好好味。由於師傅叫我用手捏著壽司吃，而且他還好仔細地介紹每件壽司及吃法，所以我沒時間為每一件手握壽司拍照 / 連拍。當然，紫針海膽係第九件，唔拍張照真係對唔住自己。

這裡沒有提供拌芥辣的豉油，吃的是刺身的原味，配料及師傅的手藝。

如上所說，師傅係教客人點樣食壽司才是最好。如三文魚子壽司，係鋪面的魚子朝口放進去吃，魚子無腥味，第一次吃如此美味的三文魚子。〔我以往唔吃這個，丼內有我都會夾哂畀人食。〕

好快樂。

不過，平日要假期才有機會再吃到。

因為做體檢，這天我都好鬼街坊裝，披頭散髮，TEE 加短褲，連妝都無乜點化，小布鞋。入到去，覺得自己甩皮甩骨咁，真醜怪〔算失禮咖〕。哈哈，下次執返似人樣先去咬咬，以示對店及師傅的尊重。