SLAM DUNK

自發現 Viu 有 SLAM DUNK 整整101集睇之後，一直在煲，煲了一半。哈哈，真係好開心。這廿年無買碟又無 BT，今次確係正正式式睇，且重係原裝日文版，所以看出新的感受同熱血。哎呀，真咖，睇三井跪在地上喊哂對住安西教練話好想再打籃球，真係跟住喊咖。

這套故事係朋友介紹我睇，還是漫畫，未有動畫哩。好記得漫畫書在荃灣南豐的漫畫店買。店子早好多年已沒有。但在店子書架搵到新書的快樂，還是記憶猶新。

當年同細佬迷入樽得迷得好癲，家中至今仍有一定數量的入樽產品。我還有1:1 的櫻木花道及流川楓海報。在旺角宇宙船買。哈哈哈。

迷那單純美好又充滿活力的日子。連我本身都覺得自己當年都單純又美好。

這陣子看，心裡竟有種「大師兄返左來」的感覺。

上圖已收歸成了 mobile 的 wallpaper 。一幅主頁，一幅在 whatsapp 。

〔圖的來源〕