16年8月．買書12本

呢個月買書來源很雜…誠品，商務，大眾，博客來，開益，樂文。

國學大師南懷瑾的《易經雜說》，在誠品買。後來在樂文書架上都見到，有差價。飲恨。

《天黑莫回頭．卷六結局篇》在大眾買的。

這本《香港語文》沒有買書花，在樂文買的。

《藏傳釋迦牟尼佛傳》在誠品見到，忍手。後在樂文書架見到，即入。

堂主盧斯達的《究竟香港人做錯咩》搵得好苦。不少書店都無貨，開益，樂文都見唔到。後來在美麗華地庫間商務發現，當時身上錢剛好洗哂，見架上有十多本，於是先去了銀行提錢，去莎記濕平後折返買買買，此時竟搵唔返本書！唔係轉下被人掃走哂呀？死唔忿氣，又怕搞錯位置，於是，在幾張豬肉檯來來回回搵呀搵，最終在另一區搵回此書。真係失憶得好嚴重。

終於到手。鬆口氣。

以下四本在博客來訂返來。

《目客》係中國書。鍾偉民推介，所以買了。

這本《佛說入胎經今釋》係買琥珀時老闆介紹我看的。找不著，於是在博客來訂啦。訂書翌日去樂文，竟然見到！真係玄妙。

Stephen King 經典《鬼店》，在各去開的書店都見唔到，於是索性從台灣訂回來。係呀，即係電影《閃靈》的原著。

馮內果的《第五號屠宰場》都係一部對世界影響好大的書…至少令一場戰爭結束。必買。我搵了好幾年！早幾個月在誠品的豬肉檯見到這個新發行的中文版，不過當日忍了手無買，之後再找不著。好啦，一次過從台灣訂回來好了。

《西營盤》…哈哈，詭異故事總是看不膩哩。又添一本。當然，這本在網上有口碑啦。

在網上見《陰目偵信》口碑唔錯，所以見書店有。又買。

真係唔多加把勁都唔得……天啊，可不可給我一日四十八小時？