MAISON 飲勝

這間店在元朗開了好一段時間，真係第一次經過幫襯。好好味。亦都好靚！這杯係波子汽水加巨峰提子沙冰，所以有兩隻色。

快樂的顏色。

WEB ： http://maisonhk.com/

llaollao

行街又行到身水身汗，見到呢間，明明係乳酪都照食。真係要畀自己降溫。

西班牙開過來。

好味。

去流浮山食海鮮

5件人浩浩蕩蕩去流浮山明記食海鮮。

蝦。

蠔。

蝦。

蟶。

貝。

頂，大隻到，真係好黐線。

鮑。

魚。

蟹。

鵝記糖水

太熱，入廟街劈碗糖水先，呢個雪到堅凍的雪耳冰糖燉木瓜真係涼透心。

好味。

三多

睇完跌行，因為屋企無飯開，晚餐自己度。人在元朗逛了一陣，臨走去三多買炸髀同炒腸粉。兩樣都係要辣。。係，自恃有消炎藥食啦梗係。

好味。

阿茶茶

頸椎歪了加喉嚨發炎，星期六睡夠先再去睇跌打。三點才有得睇，先去咬個午餐。日本菜爆座，改去阿茶茶。

茄湯。

抹茶奶。

意粉一盤。

又一頓。

大阪

約了下午四點去洗牙，返工放下晝，去到亞士厘道間大阪食個刺身飯先。

真係該煨野…

御馳走 GOCHISO

睇完西醫後已十一點三，先去咬個早餐，再去睇跌打吧。因為在尖東永安樓上睇醫生，所以行去K11食點什麼吧。

揀了2樓這間日本餐廳。這個意粉我覺得好好味。

好多野唔飲得，只好點抹茶梳打。好味。

其實隻碟使唔使咁誇張？定係個意粉份量太少？定係我食慣茶記的碟頭所以對這個睇唔過眼？

白雪公主

喉嚨發炎應該要食尐凍野降溫，所以我吃了這個抹茶雪花。

無之前另一間個芝士餅咁好味。可惜。

三台八座

呢間店，係同事話我知，在一位他幫襯了多年的紫微斗數師傅的PAGE有。而且，師傅有些短片會在這店內拍。於是，我就慕名去一趟。

吃了個餐，但，見唔到師傅。

好味個扒。不過份量就真係少了點。

CASIO F-91W

之前隻 garmin vivosmart 死了，都有戴返尐舊錶。可是戴慣了輕飄飄的錶無法再承受有重量的錶，尤其係返工成日篤鍵盤，戴了有重量的錶手腕刮住檯面又唔想，懸空手腕又好累。見到錶行有呢隻經典，買。

差不多型號的，有藍框綠框金框，我在店外望住飾櫃揀了很久，最後揀了藍框，不過拎上手時發現錶面花了少許，所以買了這個錄框的。

3百有找，很好。

後話：有同事話我買貴左好多，amazon 十元美金有找。oh no. 下次都係上網格價先。

煎釀二寶加碗仔翅

突然，真係好突然想起好耐好耐無食過煎釀三寶同碗仔翅，所以去了隔鄰屋苑熟食店買。4隻矮瓜加四隻尖椒加一碗翅，盛惠HK$40。

久違了的煎釀三寶的豉油。。

不過，個碗仔翅太稀，唔夠味。

買．喜瑪拉雅天然皂

在首都廣場，買了枚喜瑪拉雅手工皂。HK$55。

官方網頁：  www.ashahimalaya.org/bounty/

Colour Brown

搵食又要睇書，一個靜尐的地方是必備。可能係連假不少人都出埠去，這個中秋不少老區都少遊人。於是，這天，我可以靜靜地在官涌的咖啡店慢食個 late lunch 再啡一陣先去買件蛋糕咬咬。

呢日，食個溫泉蛋 carbonara 。

太熱，要飲凍啡。沒奶對自己安全。

成日揀芝士或心太軟或朱古力蛋糕，不如食尐新野，我點了這個焦糖蘋果蛋糕。好味。

elta MD SPF 41

終於用哂之前一支防曬喇。要補貨，都係呢個牌子，不過呢次買呢隻有色的試。

原來我用完那支係可以搽埋身。哈哈哈。

廚房佬

黑椒雞扒拼炸魚。個黑椒汁正。

Kafeien

OT 完又去食飯。見S介紹過這間，便走上來。店裡得4個客。唔知點解，樓下長期人龍等昇降機，可以上到樓又好鬼靜局。人去哂邊？

因為已5點後，所以唔品啡喇。叫杯凍檸水算。

巴馬火腿南瓜意大利飯。好味。

沒有朱古力蛋糕呀，店長話中秋賣哂。只得南瓜芝士餅。好啦，未試過嘛。南瓜唔濃，但都好好味。

埋單盛惠HK$130。

小甜谷老尷事件

中秋幾日熱到 high high，經過小甜谷吃個抹茶雪糕降下火。點之呢日有個負責人在廚房「教」緊員工。店子不大，雖然沒有粗口，可是，難避免令食客感到老尷囉。

《塘西花月痕．一》．#64

18/09/2016。這本書豈止寫塘西阿姑妓寨風情，還有上世紀1920年到63年左右香港社會各階層的日常。

我在面書講過，這本書真係好吸引，而且屬本土重要歷史，應該好好整理留下。而這本書應過了版權時限，有能力的話我會開個 PAGE 或在這裡把書完整地 POST 出來。

好多字咖。

係呀。我買齊一套了。

文具控．買原子筆

行文具店，又買筆。不過呢次係原子筆。一支係三菱牌 No. 460 証劵細字用筆。另一支係 Hightide ICO70 FT083 原子筆

兩支都好好寫，出墨好順，正！

未得閒試寫，後補啦。

延伸：

MITSUBISHI NO.460 :  PEN SHOP

HIGHTIDE ICO70 FT083-BK :  www.hightide-online.jp/fs/hightide/item-ft083

大坑的樹

途經大坑，艷陽高照，拍樹最好。

KUMANO 護髮素

原來呢隻同洗頭水係同一廠出品。因為有標明落了什麼香料，所以好香。

DEVE FRAGRANCE SHAMPOO

呢隻熊野油脂株式會社出的無矽香味洗頭水，用來洗衫好正。洗頭如何？哈哈，還未用它來洗頭耶。

唔好以為我買咁多洗頭水洗衫，其實得兩瓶咋。一瓶放在廁所用來手洗衫褲或甩色衣物時用，另一瓶係放在廚房洗衣機洗衫時用。

不過呢瓶係我用過來洗衫的洗頭水中，至正。浸好胸圍底底才去沖涼，沖完涼略為搓一下衣物，其實這時本身衣物上的止汗劑，爽身粉，香薰油及香水等等味都已悉數清除去。過清水後就整晚放在沒開窗空氣唔流通的廁所晾住「陰乾」，翌日先拎去晾出窗外，整晚都沒有因為咁而產生「春天的UP味」，Good 呀！當然，之前買的其他洗頭水都係咁，不過我喜歡這隻的香味咁啦。

Maya Cafe

這店的店主是外國人，好像係珠寶設計師。

行街行到好口渴，又想坐一下，所以就到這裡。

我點了這個 hangover express 的健康飲品。成份有：cucumber ，apple ，lemon , Spinach ，broccoli  。所以咁綠啦！我覺得好味啦。

有 set lunch 和 dinner 食啦，搵次周日試下先。

飲管係紙做的。