睇八字．一

轉下眼，完成了十二堂的八字班。雖然前後已十六個星期！〔有四堂因為不同原因而延期〕

數口同記憶力都唔好，得半啖水的料子，因此唔會幫人算命。放心好了。

當然，成不了幫補私己的副業……哈哈。

年初時有人湊緊數 form 八字班，問起我有無興趣。剛巧當時我正在想找點什麼學，咁有人嗌我一齊啦，咁我就科了五千元上這個為期十二堂多過24個鐘的八字班學算命。

那時，個人正處於情緒混亂狀態，壓力大，低潮，非常迷失，無力撐落去〔我自上年起爆好多白髮同埋耳鳴，可見身體瀕於崩潰的懸崖上〕。好啦，去算算我的命及往後的運如何吧。

導師是認識的，之前曾上過他的其他課。所以都放心畀學費。

在網上都有好多八字程式及不同人寫的八字心得，不過我阿 SIR 教的一套係同佢將新舊派八字玩熟哂，加易經等等再鑽研出來，有時我上網去睇其他人寫的八字理論作參考都發現跟阿 SIR 的有出入。

八字其實係計數，熟稔的，對捉運程起伏精確度〔我不想用準確度〕自然高。

阿 SIR 無開檔咖，佢話教人學識睇八字好過收錢同人算命。初上堂時係唔明他這種想法，後來，見得不少悲慘的八字人生，自殺的，命苦的，受刑，長期病患……就明白，唔同人睇八字係好事。你算到某某幾時死，會直接跟某某說嗎？

不要以為係迷信事。在人出世一刻帶到死亡的生日時辰，早已有跡可尋，一切有數理可推。只係，唔係個個都識睇自己的年月日時，唔識追應期而已。

係呀，這個堂，完完全全把我整個人生帶到另一方〔參照易經的方係指空間，方位。我賽外加上「方向」，「位置」〕。

待續。