這陣子心是各著佛經，所以有其他書在看的同時，心還是忍不住找佛經看。《佛說入胎經》係來自大寶積經卷五十五《佛為阿難說處胎會》，五十六《佛說入胎藏會》及五十七《佛說入胎藏會》及《佛說胞胎經》等等。
我沒有子女，不過，怎樣輪迴成為一個人，懷胎的三十八星期胎兒的變化是怎樣，都有興趣了解下。而且，這幾篇經文，是記述佛祖釋迦牟尼為初出家的胞弟難陀說法。人嘛，一生就是苦。
經文的奇異在於，佛祖生於公元前五百多年呀，衪以三十八個七天去描述受精卵至嬰兒呱呱墮地的每個成長變化。而，套在現今醫學的發現及報告，每個星期胎兒的變化成長過程竟然跟佛經係互相吻合。實在不可思議！
點解會不孕，點解有缺憾，點解皮膚黑，點解高，點解矮，都有講及。當中又涉及因果業力。
其他內容不贅喇。有興趣可自己找答案喔。
通常哩，走去學睇相，睇八字，卜卦，紫微斗數的，唔多唔少因為在生命中都遇上麻煩事才想去知多點玄學的事。朋友話齋，生活順順利利又無病無痛的，不會刻意想知想問。
上堂時，大家把搜刮到的八字寫到白板上大家一起計，然後阿 Sir 就補充大家睇漏或睇錯的地方，之後哩，就由掟八字出來那位同學講返這個「cases」的真實人生如何。這十二堂裡，見過冤獄〔老闆因走私著草公司職員悉數被某地公安拉哂入牢強迫吐露老闆位置最後靠一筆錢才獲釋返香港〕，破產，死老豆老母，大病，自殺，反叛，唔讀書，無業，被下屬出賣，奉子成婚，離婚，吵吵鬧鬧，第三者，第四者，宗教人士……等等的 cases 。而這些，統統都係同學認識的人。
我明，人一生唔會順境一世，阿 Sir 在堂上常問大家，想好運在童年，盛年定老年？天干地支，十年一次的大運，早有所示。
因為初學的我計唔掂自己的兄弟姐妹數，加上那朝被個女鬼似的同事嚇到唔見七魄〔我晚上上堂入大廈在 lift 見到阿 Sir 竟然同佢講『早晨！』〕，所以那堂，便拎我的八字出來算。阿 Sir 當然計到我的兄弟姐妹數啦。呀，係呀，阿 Sir 係有教我們計兄妹姐妹數。這個數係承父親那邊，是男人命中注定的仔女數，跟娘親無關係啦。連夭折的，流產的，落左的都計。不過嘛，呢個年代，男人即使搞大別人個肚，作為當事人都未必知啦，不過，如有天男人膝下有兒女，再拎堆八字出來計，就真係哈哈哈喇。
至於點解我計唔掂，點解那朝撞邪，一來係我愚笨，二來，我的八字比較煩又複雜。於是，阿 Sir 就用舊派新派各講解一次。用舊派的話，唔準。而新派去解，全中。他說呀，我細個係一個非常唔開心的人，好唔開心那種。而且，跟老豆關係好差。我好多心事，胡思亂想，內在情緒起伏好大。阿 Sir 真係咁講。Oh God！之後繼續講的都中，這裡不贅喇。
他特別叮囑我，每天一定要有紅色東西跟身。我R頭，因為平時返工真係無乜著紅色。同學叫我著多些紅衫紅褲呀，我哈哈回應『麥OO咩！哈哈』，「咁轉哂紅 bra 紅底啦。」。真係要諗諗。
結果嘛，我早前染的紅頭就係因為這事咁來的。
這本書只睇咗一半，發現中伏。
幸好只在圖書館借返來。無咁肉赤。
據講作者係一位藏人。不過圖書館版書內頁沒印到作者的資料。如果真係咁嘅話，都幾可悲。因為故事男主角係特權階級且富二代。首半已看到他一夥人利用權力，金錢同人事關係去處理各項事情方便自己。然後，女主角出場，竟係一件有嚴重公主病的富家千金。 即使男主角老豆係個慈祥智慧型長者，但因為只是過場，而男女主角性格行為又極度熟口熟面，極似網上嗰啲上帝……
別講深圳河以北丫，即使此城都好多富二代的特權人士。你睇睇足協……你睇睇霍家，他父子幾人有為香港運動員做過什麼？爭取過什麼福利？
越睇越無癮。一半，唔再睇喇。
抄於2016年8月23日。
昨晚開住google 搜的圖，左手拎住電話右手把摩訶般若蜜多心經謄了一遍。歪歪斜斜的，字不秀也不麗。見笑了。
約了朋友食晏吹水，因為佢之後同另一批朋友在那區泳池游水，所以我提議去附近昌華街咬龍蝦。舉手贊成就訂位 GOGOGO。店子很好，我打了兩回去訂位時沒有人接，朋友說，如果 walk in 無位就去另一處食啦。不過幾分鐘後店子打返電話畀我。成功訂了位，good 呀。〔好彩訂了位，因為打唔成風，那天整日都熱到一個點！〕
左揀右揀，兩個人還是點了一樣的 all day breakfast and Mama Fruity (hot / iced) 。我們十二點就到，連龍蝦都未送抵店子…吹住水等啦當然。
all day breakfast 都係 set lunch，所以有濃濃的龍蝦湯。好味。
23/08/2016。剛好睇完今年第57本書。很開心哩！
之前上八字班，阿 Sir 的算命法有提過易呀起卦咁。所以從那時起已想找些教易經的書睇。湊巧上次買琥珀時老闆介紹了一本書給我。那本書是國學大師南懷瑾的，於是四出尋覓。那書找不著，反見到這本《易經雜說》，哈哈，深感興趣。好啦，誠品無折都照買。嗯！這是我第一次看南懷瑾的著作。易經係好難，即使學富五車的都未必能參透六十四卦〔書中南懷瑾坦言未參透六十四卦的排法〕，何況我這等無知婦孺丫。是的，開頭都有擔心過會不會睇唔明睇到悶會中途放棄，幸好，這書教得很淺白，而且南懷瑾先分享學易經的入門方法及背誦心得，因為他年青時學易是被迫一味死背，非常痛苦。想來，對於想投入易經世界的孺子，這本無疑是本很好的入門書。
既然是入門書，就介紹各家各代在易經上的理解和解說。周文王的易，孔子學易後的心得……書裡都有介紹。可惜，他說原始的「連山易」〔神農氏年代〕和「歸藏易」〔黃帝時代〕早已佚失，只留下周文王的「周易」。
書裡涉獵的範圍很廣，皆因易經本來就是一本包含各家智慧學識的書。除六十四卦上爻下爻象辭彖辭解說外，醫卜星相，連人民教化，社會政治，性情行為，統統都有講。我們知的氣節，氣同節係兩樣東西；性命性命，性同命又你兩樣不同的東西。
書裡面太多我們原來唔識的「常識」喇。絕對要推介。
感謝。感動不已。
這陣子好像回到以前會跟朋友多聚。這天和朋友相約，去了 Lava Java 食個晏。
My blog is worth $3,387.24.
How much is your blog worth?
