我變。。

忍了一段鴛鴦色頭髮的日子〔新生的黑皈漂後的金〕，上月趁頭皮無咁過敏，終於可以去髮廊搞搞。師傅叮嚀我每天要紅色跟身，但我又唔想整個紅頭〔麥嬸嬸咩！〕，加上唔想再補漂新出的頭髮，所以說不如染較深的色。。結果，我整了一個紫頭。

慶幸，所見的同事朋友都盛讚這色好靚。。哈哈，本人都覺得好正。

可是嘛，好東西總是不長久。。而染了頭後又沒有用固色鎖色的洗頭水，還日日如常做頭皮護理捽捽捽。。兩星期不到。。頭髮已打回原狀，近髮根的較黑，底層有甩剩的紫色，其餘的，金色棕色。。

八百五元如夢幻泡影。。真係去得快。。

至好笑係，尐人見我頭髮又唔同了色，問我係咪又染髮。。哈哈哈。

當然，一個月內個頭髮出現四隻色。。真係從未試過。

新 color 決定在家自己動手染。走去髮型用品店講了頭髮狀況再由店長介紹合適牌子〔HK$80〕。趁假期一清早在家笠垃圾袋上身厚敷及加長染髮時間，哈哈，唔知新的顏色維持到幾耐。

不過唔染過髮都唔知自己 carry 唔 carry 到那些顏色。現在幾好丫。得閒改變下。