Sunshine
@ 29072016。 九龍東
金光燦爛。。
31.7.16
30.7.16
《吸引力法則》．#51
26/07/2016。睇完今年第51本書。這本叫《吸引力法則 — 心想事成的黃金三步驟》。
原來心想事成係靠吸引力法則，回想，歷年間心想事成的大小事，原來這個法則運用成功。當然，以前唔知呢個名。想想，這些都是吧：
我唔想中公司抽獎，因為唔想上台。。所以一直以來都無「抽獎運」。
我堅決要五個工作天的工作，仰慕IT人，越多仔越好，於是，那年，我搵到一份五天工作，兼在IT部門，且成個部門只有我一個女生〔另一個係人妻〕的職位。
我要一個朋友多的對象，結果遇上一位，可是卻係一個什麼事都跟朋友分享沒主見，要由朋友幫手做決定的男生。
我要一個懂自決的男生，卻遇上一個我連他在想什麼，有什麼打算也不會跟我談論的人。
我想要獲得某些資訊，真的會在日內從不同渠道得到資料。
我想找點什麼課程去學，轉頭就有人邀約我一起報我有興趣的班。
我要提起勇氣，振作精神，然後就有一些相關的鼓勵句語或文字巧合地一起湧現。
﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀
當然，講明係法則，當然係有既定的公式及方法要注意。
簡單來說，負面的情緒唔會吸引到正面的好事，而且，更係負負得負。因為負頻率係好影響自己的氣場。所以，除了明確又肯定自己的期求，用詞也十分之重要。越正面越包含喜悅的就更好。書中有個例子很易明白，一個人對另一個人說「唔好乜乜乜呀！」，對聽者來說，這句絕對係抱負面情感的訊息。
嗯嗯。。學乖了。
﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀﹀
推。
29.7.16
MONTEVERDE TOOL PEN
朋友叫我幫下眼睇睇見唔見邊度有呢個牌子的筆賣，我見到，卻不見他想要的款，店員把這個展示我睇之後，吸睛！然後就付款買下！
這是我第四支鋼筆。。
我買鮮黃色筆桿的一支，好搶眼。。
話明係 TOOL PEN，有它的原因啦！
1/ Spirit level 水平儀。
2/ 鋼筆。。話明係鋼筆當然係鋼筆咀。這是4號咀。
3/ Flathead screwdriver
4/ Phillips screwdriver 十字螺絲批。
5/ Stylus
6/ 4 Rulers
瘀事一件，話說我買了支筆加一盒其他牌子的墨芯。。竟然唔識換墨，插了黑的筆咀竟塞唔返入筆桿內。。還整到手指有墨印。。結果嘛，要上 youtube 睇開箱片才知整支筆的雙頭螺絲怎換，墨是怎樣換。。哈哈哈。真笨。
當然，是一個很好的經驗唔好見好就買。。
很喜歡黃色！
嘆一個早晨全餐
應該係書展關係，明明假期一定多人的 Studio 都有大把位。。於是，人可慢食，輕輕鬆鬆刨刨書。
後來，鄰座來了一對熱戀中的男男情侶。。加上書中的主角是位同性戀者，他在跟喜歡的男人對話〔書是兩個男人無盡的對話〕。。書內書外，奇異的感覺在四周空氣散播。
有趣的氣氛。。
夏了夏天。
28.7.16
琥珀到手。
明明係阿花託我問朋友有沒有水泡餅〔脹卜卜的玉扣〕，點知我順個便問埋朋友有沒有信譽可靠的琥珀 Amber 蜜蠟〔蜜蠟其實即係琥珀，行內人只稱琥珀，不會用蜜蠟這名字〕店子。因為想買，而市面的琥珀也太繁雜。
於是，朋友介紹他老師在中環的店，這位老師 / 老闆係行內享盛名鑑定琥珀專家哩！這樣買就放心，包保不會買了假貨。
去到店子時正好沒有其他客，老闆問我有沒有時間，我說有呀，他便很熱情的教我簡單的分門別類，聊了好一陣子。他很樂意把知識分享。哈哈，我袋了很多落袋呀，除了琥珀，他還講水晶，感受水晶的能量，也有講佛經，動物，因果，鬼故，水晶驅病家族。。還給我看了一幀相，相裡面有塊水晶柱，一副表情猙獰的面孔竟在水晶內。。原因同結果他當然有說，不過這裡就不寫了。
講回琥珀，因為我未買過，亦唔識揀，實色的透明好？於是老闆拎了幾款合我戴的畀我試。我揀了這串半透明的。實色的都好靚，不過戴三四十年都唔知等唔等到它變透明，所以買半透的最好了。
比想像中平好多，唔使過萬。。哈哈，而且貴唔過一部艾瘋，不過未來幾個月都真係要收手，唔好再買畀自己喇。
而且，呢串琥珀要收埋一陣，免得老人家望到又起貪念。
27.7.16
然而就是我喜好〔舊相片〕
朋友知我喜歡鬆弛熊，所以買了幾件小玩意給我。每一個我都喜歡，有些曾經想買但唔知用來載咩好而一直考慮中。怎料，朋友把我想擁有的都買了給我。多謝哂！
最搞笑係個相架裡還「有心地」放了張笑瞇瞇的周大俠。。
真係。。好爆笑囉。。張相。
〔考古考到這個。。唔記得邊一年了。送禮的人928後沒再聯絡；周大俠，我也沒聽他的新歌很久；連鬆弛熊，也變了企鵝。。風景會轉，人也會變。〕
最搞笑係個相架裡還「有心地」放了張笑瞇瞇的周大俠。。
真係。。好爆笑囉。。張相。
〔考古考到這個。。唔記得邊一年了。送禮的人928後沒再聯絡；周大俠，我也沒聽他的新歌很久；連鬆弛熊，也變了企鵝。。風景會轉，人也會變。〕
26.7.16
曇花似的晴〔舊照片〕
星期一天色好到爆，午後，明明在office位又唔近窗邊都無端曬到太陽。
然後，這幾天又灰灰沉沉的，好悶人。期待周末周日陽光充沛！
〔在草稿內找到這篇2008年4月的照片。。當時 office 仍在長江中心哩。好懷念。〕
然後，這幾天又灰灰沉沉的，好悶人。期待周末周日陽光充沛！
〔在草稿內找到這篇2008年4月的照片。。當時 office 仍在長江中心哩。好懷念。〕
25.7.16
《因果，怎麼一回事》．#50
21/07/2016。今年第 50 本睇完的書，是這本。
當生命中遇上奇怪的經歷，加上課堂時所聽聞的人和事，便開始想好好的了解因果、業力、輪迴等等的事。
看了書，對因果，佛教，業力，輪迴有新看想法。是以往沒想過的。想解拆人和人之間累世糾纏拉盤的結，終究還真的要由「心」去解。
這本佛學書不是我買的第一本，卻是第一本由頭睇到尾的書。那天去佛哲書舍逛見到，想想自己應該易明白書中所寫，於是買了。
算是踏出好好的一步啦。
推。
24.7.16
Skin care 2
在 iHerb 訂的護膚品到手。唔係喪買，只入了四樣貨：
NOW Solutions - European Clay Powder
100% pure ，沒有膠粒，無動物測試，買。當然，佢另一款 Moroccan Red Clay 都好正，我有用開。所以這是我心水品牌。當然，真係好平。一瓶可放數年的 powder 才五十多元，好抵。
加水，或花水，或蜜糖敷面，正正。
NOW Solutions - CoQ10 Antioxidant Serum.
港紙100元有找，真係好黐線。未用過精華素同面霜，應該得。。
Thayers - Witch Hazel Aloe Vera Formula Alcohol-Free Toner Rose Petal
六十幾元咋。香港有店舖有呢個啦，不過去了幾次都賣哂，所以索性網購好了。這是老老老牌子。
NOW Solutions - CoQ10 Antioxidant Cream
一樣，一百元有找。
四樣才二百七咋。
22.7.16
雀聲讙譁．紅脇藍尾鴝
Red Flanked Bluetail @ 迪欣湖
很久沒放雀鳥的相片上來。這相片其實是在農曆新年前往迪欣湖野餐時意外拍到，是我的新記錄，亦因為這屬於我很想見的「披著藍羽毛」的鳥類，所以當日既見到拍到，真的非常非常之興奮。
這天，其一的小確幸。
〔今日執BLOG見到呢篇竟在草稿度，噢。。咁放出來大家開心下先。我都好Q耐無去拍雀雀喇！〕
〔今日執BLOG見到呢篇竟在草稿度，噢。。咁放出來大家開心下先。我都好Q耐無去拍雀雀喇！〕
Skin care 1
家中的 Skin care 東西又清咁尐，又要補貨。。 呢頭努力賺錢，轉頭又奉錢買補野拯救殘膚。。
上次買的 serum 同面霜都無乜力，所以今次都係買返尐老皮合用的護膚品：人參，藍銅，鎖水。。真的一樣都不可缺少。
Olecule Barrier Repair Serum,
Sesha Nutritious Lipo Serum,
Osmotics Blue Copper Firming Elasticity Repair Cream,
Bioderma Sensibio H2O
Elta MD Facial Cleanser
咁又無左千五。。
好咯！財散人安樂。至緊要安安樂樂。
早期日朋友在 iHerb 代買的護膚品都到手，全部未用過，得閒拍照的話再放上來。
21.7.16
髮術。。
同事每個星期望住我個頭都不同顏色，皆忍唔住問：『你又染髮？』
「甩色呀其實！」
哈哈。弄得我每個星期都唔同色囉個笨頭。
原來紫色真係好正！這個紫色係買膏回家染的。估不到出來的效果跟「上髮型屋整紫色」又不同。。在日光下，這個成了很搶眼的爆紫啦。我室內無咁爆紫咖。不過，個人就覺得紫色令我個樣沉尐，整體唔夠精神。還十五十六要不要補染〔因為日日洗頭，色又甩得七七八八了〕。
之前買落的染髮膏，有灰色，及灰綠。。哈哈，唔知會不會太激。
20.7.16
19.7.16
【代糖夫人信箱】．#49
16/07/2016。又睇完一本。這本是新買的，盧斯達的【代糖夫人信箱】。這本書以男女關係，男女間的一場又一場的對奕，去講生活及時事。
講愛情，廿幾歲青年，為何對愛情及男女間的攻防看得如此清晰透徹？不過每篇用字抵死啜核，夭心夭肺，真係笑到噴飯。
時事，如果有留意網上報導的時事〔電視台還會播嗎？〕，就知他在講什麼。而能夠把情事引到去時事中，也真妙。
推。
突然咁快，今年已睇了49本書。。
訂閱：
文章 (Atom)
