香煙．往．事

在古玩店尋寶，講起想買匙扣，店主說「呢度有好多呀！」便指著數個盤子。嘩！真係好多選擇。不過，因為太多都經不起年月洗禮，泛黃的，殘破的實在不少。結果，鐵砂掌咁在盤裡翻了幾轉，找到這個駱駝煙的匙扣。因為有獨立袋裝住，所以看起來仍很新淨。於是，它就被桔買走喇。

駱駝是美國十大名煙，那個牛仔伯伯的廣告及經典的廣告音樂，一把年紀的桔，細個當然在電視睇過啦。這牌子的歷史故事沒有去維基了，雖然都想知點解美國香煙竟用非洲的單峰駱駝做品牌圖案。

阿桔不煙，不過對於為減少煙民而大幅加煙草稅這事是十分在意。在桔的角度，加了稅仍舊會食煙的，「我買得起」之身份真係好出。當然，還是很多人唔志在呢舊錢囉。

講起駱駝，當然講埋同樣以牛仔賣廣告的萬寶路啦。不是講斷背山喎。嗯，好多好多年前海港城有間 Marlboro 專門店係賣美國牛裝咖。當年阿桔都好想好想買條牛仔褲咖〔明明係男裝。。囧〕，可惜間店真係賣男裝，所以最終都無入到去。。

而家隻牌子改叫做 MCS。。為什麼美好總是過去了？