Chacott

M.A.C. 的碎粉瞬間用哂，曾在網上看討論區不時有人讚日本的 Chacott 好用，既然香港都買到，當然要買來試啦！而且，一盒粉的價錢平過用開的美國牌子成舊幾兩舊水喎！

剩下不夠一星期化妝用的量，那本來是打算星期二放工去買，點知當日在臉書見到店子即日有優惠，哈哈，心急要購物的放工即閃趕去旺角買。幸好星期一去了買咋，事關幾個小時之後此大廈門口外，發生了命案。陰氣加怨念極重，還是不去那邊，避一下好尐。

還是回正題。

粉的款不少，第一次買，皮膚不好，買高清粉好像不自量力，礦物粉又唔想用住，所以揀 Standard 的粉先。買了764號。看色水比以往買的淺。是阿桔想白尐啦！嘻嘻，相逢恨晚！由粉的質感到上粉後的效果，阿桔都感到非常滿意！驚喜是呢尐天氣出街，都沒有溶妝，在公司整天也沒有因乾燥而狂出油甩粉的狀況。真係呵呵呵。。當然，阿桔呢輪好努力咁保養臉臉成果很好也不無關係。

同時，也買了 Cleaning water 。評價不錯，不過有說卸妝唔夠力。唔緊要，純粹係在沖涼後再用它來抹一下臉而已。其實都好用。

Chacott 官方網頁：www.chacott-jp.com/j/

 樸實的包裝，連盒都無。

會再買啦！