葉露芝止汗露

經過 Yves Rocher 的專門店，見有止汗露的優惠，原五十五元現賣四十五元，雖然未試過這法國品牌，不過都入手買一瓶印度有機棉同一瓶薰衣草味。真係好平，比起阿桔現在用緊那支成一百八十元的「喇屙屎燙」支淨化香體露，及之前買過的「屍疤」，呢支真係平到笑啦。

當然，睇到佢註明沒有鋁鹽及酒精成份，更值得一試。

買兩支，因為味道一樣喜歡，很難取捨囉。。

講起上來，以前 Clarins 有止汗膏出過都好好用咖，不過看來也停售，官方網頁也沒有。

這樣又熱又濕，有時風都無滴的天氣，還要持續多久？燠熱的程度，太像新加坡了。而阿桔，在這樣的天氣下，仍要走出去拍照及同蛋蛋托罐罐托貓砂的。。真的好想快點又涼又乾。

記於六月一日：

嗱，是咁的。如阿桔咁，偏要在三十四度高溫加烈日重要正午在戶外暴曬郊遊，熱到連 bra 都濕了大半的程度。咁，這支東西，絕對係唔夠力。

當然，返工日子用佢，中午出街行幾個街口為了食個晏，是沒問題的。

因為阿桔深深明白，陽光普照下拍的花特別靚，所以，只好再去搵另一隻香體止汗牌子。