風韻猶存。。

是的，阿桔也一樣去了買買買。。買些很久沒碰又令自己好過的東西。

話說阿桔收到其中一個新年祝福，係「風韻猶存」。嗄，這是用來形容中年女性喎！雖然阿桔真的一把年紀，可是，硬食著這句話。。不，沒有生氣，而是當頭棒喝，真係有必要好好正視「問題」的嚴重性！

十二月放工後去飲過兩回，因為妝太求其到近乎「清妝人」，結果傍著新娘拍出來的照片既憔悴又殘柳。自己睇到都驚呼「見鬼」！真的不堪回首。於是，過年後，立定心，決定每次出門口都要好好的打扮自己，至少要一個精神飽滿的模樣見人。唔好畀自己失禮。

於是，買了一堆東西。加埋舊的東西，又無袋裝。。再於是，順道出去買個化妝袋。

袋裡，放了：

CANMAKE Whip Mousse Lip # 03 〔慕絲，有點難勻稱搽滿唇上〕
Bare Minerals Marvelous Moxie # Risk Taker 〔滿意，但不知怎的搽了唇有點涼透的感覺〕
M.A.C. Matte # Viva Glam III 〔好似買深了色，有男同事話個妝好重喎〕
M.A.C. Amplified # Sensual Sparks 〔最新色。但阿桔膚色深，塗上好像沒塗一樣〕
Chanel # 86 Eau De Rose 〔最新色，很喜歡〕
Chanel # 87 Rosace 〔最新色，都係好喜歡〕
Etude House My Lash Serum 〔阿花介紹，逛了三間先買到。才四十五元！〕
Shu Uemura Eyebrow Liner
NARS Eyeliner # Black Moon
NARS Eyeliner # London
睫毛膏
淡香薰
潤唇膏
鏡子
粉餅
眼影

立起心腸要為自己做尐事，花錢的時候真的好嚇人的！不過，唇膏的顏色真係好難買得襯自己的色，於是前後買了六支咁多！以前搽過橙紅的，也搽過灰色！不過近十幾年都無再咁啃。畢竟，執到個樣幾耀眼幾招展，在辦公室被奴役九粒鐘後，乜都謝哂皮。嘿嘿。

找回久違的自己，重新開始。。

搵番個人樣先戰鬥。。

阿花見到阿桔執過個樣，都說看起來精神了。