扮老貓．卻燒鬚

阿桔真係癡呆，早幾天要跟進的花事。今日特意走去睇，拍照時被一位婆婆點化，恍然驚悉那些牡丹和向日葵全都是真的「假花」！好豬兜呀！好樣衰呀！嘩哈哈哈哈！

這幾年去拈花惹草，見埋拍埋一堆不知名又生得奇特的花，有些一個膠樣卻是真的假不了，搞到此後凡是看到未見過的花類都不敢鬆懈，不掉以輕心，決要好好了解清潔。今勻竟然真的對假花起色心，真係中伏！點解唔先望一下那些假的真不了的葉子？

囧。。

真係，呢個池邊的每一株假花，枝末都被「認真地」栽到泥裡當真花一樣種，吹脹！當天晚上太黑看不清真偽情有可原，可是呢次係日光日白都搞錯！被栽了！真係無鬼用呀阿桔！

正當有位婆婆跟阿桔研究緊好地地的水池邊怎麼要裝假狗，一位太太路經也加入話題，說真牡丹要多少錢，怎的要栽假花？即使種不出牡丹，也有大把花種可種呀，不必放假的囉。

後來發現，不少人經過水池邊的通道，發現池邊的假牡丹後，都和同行的人言語討論一番。

真不知好嬲定好笑。