撲水中

真係冤大頭。

是咁的。有人叫桔在日本幫手買支暗瘡膏，大王有見及此都買了一支來試。第二天已見暗瘡在凋謝，勁快！於是叫桔買支旁身。畢竟，皮膚反應過大的桔，總是無時無刻在長瘡。

懶人係唔會靚！何況桔本來就粗枝大葉！在聖誕期間把暗瘡膏搽得馬虎，兩晚之後，卒之攪到塊面出事！又紅又痕又燙又爆粒粒，而且皮膚乾到似砂紙，重災區還開始有甩皮！BOXING DAY照鏡見到自己搞到個樣一鑊泡幾乎精神崩潰！暗瘡膏的扯水能力真係超強！

吐血。。

唔想殘樣繼續出街獻世，所以無睇醫生。只努力在家找現成的護膚品自救爛面。首要，是為面撲水。

非常時期的非常做法係：

沖涼後：神仙水 + 馬油〔厚敷〕
睡前：神仙水 + 蠟菊花水 + 晚霜 〔薄敷〕
面膜：純蜜糖〔花花推介〕或 神仙水 + 紙面膜

未出事前曾用馬油搽面，角質層太厚吧！吸收不到，在臉上兩個鐘仍黐納納，睡前要抹走。感覺浪費，所以放在櫃裡少用。在這非常時期，反而好好用喎，即使厚敷都吸收哂〔可想而知皮膚真的快渴死〕，真好。

至於神仙水，之前唔係日日用。。因為貴，唔捨得。現在係用不停。

十多天下來。。皮膚的情況穩定康復中。。

花花推介的蜜糖敷面都令臉好舒服。現在晚晚都敷。希望快點見到成效。

這支男士神仙水，不知合不合用？