首爾．土俗村的參雞湯

以前聽人講親去韓國旅行，來來去去都係話日日泡菜，加埋參呀雞呀，又辣又燥又補，引致便秘喎。當時聽到，都幾驚咖！畢竟，腸胃敏感的人，既怕水土不服，更怕「出入」不平安。所以，貫徹「少食多滋味，密食就壞肚皮」的宗旨，幾喜歡吃韓國菜，都抗拒去韓國。

所以，這次踏足韓國的土地，對食方面，仍然有些許擔心。就正如出哂名滋補的參雞湯，阿桔會不會食到虛火上昇呀？皆因阿桔屋企，從來都無燉雞湯亦無煲雞湯！重點係，阿桔係「虛不受補」體格。

悄悄說，到了土俗村坐在 Ondol 點了參雞湯，阿桔依然是勁擔心「無福消受」。不過，見到桌上兩罈子「發哂光」的泡菜和泡蘿蔔，阿桔又忍不住起勢食食食。失禮哂！哈哈哈！

百聞不如一見，第一次喝聞名於世的參雞湯，真係好好味！好似喝著露或茶〔酪糊露茶湯，桔覺得其稠度似茶和露〕，而且是甜的！原來雞腹內鑲了白果，粟子，糯米，紅棗等等阿桔喜愛的甜美配料，怪不得如此香氣撲鼻，入口芳甜！

至於雞，肉嫩，熬了湯，入哂精華，每一口都好滋味。

不知不覺，就清哂整鍋參雞湯，剩下雞骨！真係從未如此暢快過！

如果再去首爾，定必會再去吃一次！