此物最相思

甩開旅遊書，抱著行到邊吃到邊的心情在澳門小巷橫街漫無目的地逛，希望發現驚喜〔其實都幾難再有新發現〕。不知不覺，行到下環，經過這爿賣傳統糕點的吳廷記。同行朋友見店員們在搓餅準備落鑊如此眼熟，即時雙眼發光興奮地不停嚷著『細個好鍾意食咖』呀『在香港好多年無見過無食過』呀等等回味無窮的話。怎麼阿桔在香港從未吃過也未見過這油器？於是乎，兩個人落完柯打後企埋一邊和其他市民等候第一輪新鮮滾熱辣的出鑊紅豆餅。

反正在等，阿桔忍不住舉機把全個整餅過程記錄下來，因為店員好似吳剛師傅咁，徒手把滾油〔豬油？〕中的每一團黏黏的圓粉用指力壓扁，勁！慣常的動作技倆，在阿桔眼下，感覺係好似睇緊實事求事的賣藝表演，嘩嘩嘩。看著泡在油中的白色的粉團漸漸變黃，香味四溢，真係流哂口水。

捏著熱騰騰的紅豆餅，好充實。粉的份量配得好，餅皮是我愛吃的味道和嚼感。紅豆餡，既起沙也香甜，總言之一入口，滋味到震！

是令人一吃難忘的好味道。

下次再去澳門，定必再吃。

吳廷記地址：澳門下環下環街15號