【黃河鬼棺】

自我講聲唔好意思，因為又係啃即食書。

這是第一次睇南派三叔的作品，【黃河鬼棺】這故事不論內容、橋段及編排，都真係令我睇到失望連連。相比天下霸唱的【鬼吹燈系列】，【黃河鬼棺】整個故事真係欠火候。實不相瞞，簡直爛到走火入魔的地步。

處理不好，創意又不夠，卻作到個故事咁大劇，終於在重複又重複的劇情下虎頭蛇尾收場，真係呃錢兼估佢唔到。

發現，綜合書中出現得最多的一句，應是角色們在墓中每過一關一門，都同樣發問一次『呢度係什麼地方？』之類的廢話，然後，又有角色會答『怎知道』的所謂回應。啞然的，還有角色們在墓中見到飄過的「黑影」，卻一再認為見到黑影的同伴只是幻覺，而非什麼鬼怪異物。還有，還有那些墓中出現的奇獸異象，匆匆的來襲又匆匆的消失，即使知到男主角一切會化險為夷，但也不要寫得太馬虎吧。

一路看下去，發現作者為作而作，越寫越回不了頭。結尾，唯有草草收柴，留下大量謎團。

睇完成本書，舒一口氣。

不推。