在肥安哲奴團聚

年廿八和朋友們吃團年飯，一行10人今次唔去咬中菜，改咬西餐，由於有人不太吃海鮮，有人不吃凍食，所以揀去肥安哲奴聚餐。之前肥安哲奴在亞士厘道時去過一次，今回是第二次，不過店子已搬了去緬甸臺那邊。在港鐵站樓上，更好，方便大家乘車回家。

肥安哲奴，店如其名，凡點family size的，上桌時果真一大盤一大盤，真係睇到忍不住嘩嘩聲！尤其是芝士蝴蝶粉，真係好大兜！之前幾次食中餐阿Sa豬豬都食得好少，估不到原來佢都係西餐粉絲，今次密密吃了很多蝴蝶粉呀薯角呀咁，仲勁讚杯蘋果汁好味。好搞笑。

Sa豬豬吃得開心，心情好，也聊得開懷。對呀，這小女孩，一把口應付一班大人從容不迫，勁！

飲飽食醉，最後，冷不防，阿叻買了一個翠儷莎芝士餅來為將生日的人慶生。。好味好味。多謝哂！啜！