廣告。。天下

法國五月。從而聯想起《女強人奧斯卡》，也想起《藍寶石王子》，於是，想起女角們的大眼睛和長睫毛，於是牽到Tempo廣告中的掛牆畫去。。然後，想到廣告中伏在床上親著沾了紅唇印的麻甩仔蔡瀚億，然後，再然後，想起近期令人囧的資告和廣告藝人。

不必睜大眼，都睇到去頭皮洗髮水廣告中阿Jolin頭上真係有幾點頭皮屑。。起初我以為係電視機有塵，後來一而再都睇到，應該不是我的問題吧。不知除了我，還有沒有同道者都留意到將試紙放在頭髮上那一個鏡頭，頭髮上真的有頭皮？
而另一個令我囧哂的廣告，咪就係圖中的千嬅囉。唔明白一個日本百年妝物品牌的廣告，會把代言人個妝化到over哂。千嬅呢幾年經個樣經已老得快咖啦，加埋一個over哂的妝，和佢不搭配的表情，衣著和髮型，每晚睇到真係嚇一跳。一個「唔靚的妝」配落一個走緊樣的女藝人度，搞到三十幾歲「速成」變四、五十歲的婦人咁，非常之青春小鳥一去不回。。佢個眼妝和白面，誇到丫，不其然使我想到《發條橙》的男主角。千嬅睇番知唔知出了事？為什麼不將她妝得清麗點？外形所限，佢個樣根本carry唔到濃耶。。