愚樂．娛樂

〔欣賞廣告〕Probiotic
近期廣告之中，最令我覺得有趣要算是Y記健康飲品男女舊情人再遇廣告。第一次睇幾乎笑到噴飯。雖然，男角不修邊幅「搞成咁」其實唔代表佢生活一定過得唔好，可是，那種男女身份不名的毒男感覺真係好鬼死稻中，好鍾意。

〔反感廣告〕B記
連鎖便服店B記的彈琴篇確令我反感及非常不安。看到那對父母仍為兒子無聊扮有聊的舉動拍掌鼓勵叫好還要親親作獎時，真係冷汗都出埋。非常遺憾，這種盲目溺愛子女的表現，恰巧也是當下社會最嚴重的「家庭問題」。看那鬧事的楊家女，不就是由這樣的父母栽培出來的乎？
究竟，提劃這個廣告及接納這個點子的人，是懷著什麼的理念？是反諷這個社會狀況引起大眾反思還是根本不覺得這是一個社會問題，寵縱得起所以值得自豪？〔如有雷同．實屬不幸〕

〔垃圾廣告〕樓盤
最想消失就係各大樓盤廣告。反正嘛，眾所周知一切都名不符實。個個樓盤廣告要咁誇有咁誇，住客個個都唔憂米重好有米，日日帥佬靚女衣香鬢影，鑽光燦燦，談談情，跳跳舞，游游水又過一日，連小朋友住客都精靈逗趣可人。。可惜，實情係有幾可有金髮碧眼住你隔離？鄰家有外傭傍實的細佬唔嘈唔野蠻早已暗呼好彩！
豪宅和公屋毗連咫尺間其實近到對家桌面今晚食咩菜佐飯都睇得清清楚楚。這就是毫宅。儘管單位內可極盡奢華搞豪裝，然而關上門不用睇番floor plan還不是知道都咪就係一模一樣的「單位」！

〔霧水廣告〕沐浴露唔搞清楚，以為真係「異形」沐浴露。你有無用過？