因為抱恙，足足花多一倍以兩個星期時間才看畢國師的【左膠禍港錄．香港政治困局大解謎】。鬆一口氣。第十六本。
後知後覺，大概這大半年才知道什麼是「左膠」。當然，看了國師此書的詳解及例證，茅塞頓開，原來左膠的行為自己也曾犯過不少次。真係汗顏。
唉，愚昧無知的行為的確禍港。。
明知是錯，就多警剔自己，不要再做左膠。
這間在工廈的食店絕對是驚喜。
之前以為只有雪糕賣，原來有做午市，所以上來吃啦。GOGOGO ~
本來想去吃登龍街三田，不過行到去見到人龍又打了退堂鼓。熱到不想郁動，但整條街的食店都擠滿人，於是去了李朝園睇睇情況，剛好有位。真好。
奇怪係，明明熱到出哂汁喇，都要嗌個石鍋飯吃！真係黐黐線！
早前海港城有 Wally 的展覽。阿桔路過，只拍了兩張到此一遊圖如下。
Wally 個樣同外表實在太似一位小學同學了。所以阿桔每次見到 Wally 的產品，都無法不想到那位舊同學。所以，這種呈現「無處不在」的奇怪圖物，如 Agent Smith ，真的叫人吃不消。
今朝起床發覺右耳的耳鳴情況好了好多。可以放心出外走走和辦貨。
昨天早上，強烈的耳鳴加暈眩，人明明在陸地，卻像在水中漾漾的，連直線也行不到的情況下，真係一尐都唔好玩。 結果晾了衫吃了一服中藥下就躺在床上昏睡。。幸好睡醒後不再感暈眩。
同事叫我耳鳴持續應先看西醫。因診所期滿，上星期只約到明天黃昏看。
希望快快回復正常。
在元朗朗屏西鐵站附近，有一間堅勁的精品咖啡店 Accro Coffee。係世界級比賽拎冠軍咖！雖然開業兩年，之前少飲咖啡的桔當然無去幫襯啦。呢期想飲，終於一嚐！
E 話齋，去呢間舖，梗係飲精品咖啡啦！咁又係。
當晚去到，咖啡店只有兩檯客，阿桔係第三檯。
原來都儲埋一堆東西未放上來。
這是早前經面書專頁訂的純天然手工香體膏。出了聲要，便到太子取貨。一隻係阿桔飛佛的玫瑰，另一隻係晚香玉。Size 只有一盒 tic tac 差不多，帶出街都好方便。
雖然今年無乜爆汗的情況，不過阿桔都仍未試這香體膏的力度如何。至於香味，兩隻都堅香噴噴，絕對足料。
Kose 其中一條 line 叫 Visee 。阿桔不太清楚專櫃有無得賣，因為之前都是在莎記買的。上次試支眉筆好用，不過用完成支，要買，於是又再去補貨。今次試呢支：
無見一輪，車仔麵店的叮叮變了肥叮了！嘩，水桶腰耶！
基於肥叮常在巷邊的渠上打躉，有次還有幾隻反肚的大強在佢附近，我還因為見貓太忘形而幾乎踩落去，真係嚇死！所以，此後見到肥叮都不太敢過去打擾佢，只好隔著一片玻璃從店內探望。
所以嘛，阿桔由心佩服晚上到暗巷餵浪浪的義工。
阿桔以前在這裡講過，尤加利茶係有藥效，外感初發時係可以舒緩身體不適。外國人飲這個就好似華人會喝王老吉，源吉林甘和茶，廿四味或竹壳茶咁平常方便。
朋友從澳大利帶回來當手信派的，阿桔已飲哂。於是，知道有人過澳大利， 就厚顏要求幫手搵搵，不過，年前有人竟在澳洲搵不到。這次有人搭長輩過去時幫手搵，終於在澳洲一間名為 Tea Salon 的 high tea 茶室買到散裝，且一入就入兩罐咁多。真係有排飲呀喂。
不過呢隻就同之前那隻茶不一樣。之前那隻尤加利葉多尐，這個就，一開蓋，嘩，我笑說好似一罐泥。嘩哈哈哈。上網睇，是黑茶配尤加利葉。可能作病的人沒精神去茶室嘆茶食餅，所以這個茶作適度調整來配合到店吃糕點的客人吧。
很香的茶。果然茶室調配的就是另一番風味。
因為講好兩粒鐘後返去醫局飲第一劑中藥，不太清醒兼天氣熱得人又翳又濕，於是只去了後一條街常去的茶記吃個晏坐得幾耐就幾耐啦。的確係午飯時間，堅多人。
人病了，被告誡要戒口，煎炒炸雞鴨鵝海產蛋類凍飲一律戒得就戒，這時望著牆上的水牌，完全不知可以點什麼。伙計以為我有選擇困難症，主動介紹好吃的。我苦笑，剛睇完中醫，要戒口，所以很多都不可以吃。他說，鮮茄肉片飯如何？從來去茶記都係為了吃炒粉麵，看來這次只好揀清淡菜式。
不過嘛，這碟飯放到面前時，點解咁靚？！
早前報名的哲學課，終於上堂了。多年前曾上過某哲學學會的 summer course 上過這位博士的講座，所以亟期待。
很多年沒有上哲學課，又懶去讀哲學書籍，英文又唔係好，加上又沒有課前準備，都幾驚聽唔明尐哲學用字，同時也怕理解唔切字詞的意義而錯解錯摸。都覺得自己真係好鬼有「小學雞開學」 feel 。哈哈哈。
在人生的路途上，問題天天都多，甚至不斷鑽緊牛角的我真的需要 brainstorm。
昨日去了油麻地睇中醫。我知，我知咖！右耳的耳鳴不可能一下子就好，但都係想睇返一位我信任的中醫囉。
四劑，第一劑在藥局喝。
好了，又研究藥方上列了什麼藥：
甘草、白朮、白芍、磨盤草、白芷、荊芥、茯神、七厘。。看到的只有這麼多。
十三號那朝一場大雨後，阿桔回公司途中不小心踏正電訊公司渠蓋上的大三角鐵片的小水窪企不穩又插水，屁股落地。雖然當時起到身，不過屁股就赤赤痛。加上早年曾傷過尾龍骨，所以當日都係去睇睇師父圖個安心。驚觸及舊患。
唉，當坐落馬桶那個動作及起身那一下動作係扯住痛，明顯出事囉。
移正了腰椎同尾龍。。其實，都知有手尾跟咖喇。缺憾加不當姿勢，脊骨已有一定程度的歪斜去配合，修正一瓣，另一度就迫出問題來。這幾天阿桔都睡得超差，頭一到枕，後尾枕位已明顯地出警號。打側睡哩，仰高頭，痛，垂下頭，又覺呼吸不順。結果，扭了兩個幾小時都睡不到。終於要墊高一邊成貴妃椅式的才睡到。真係唔睇師父唔得囉。
阿桔在這方面真的久病成醫。
而另一個問題，係上星期四開始右邊耳閉，耳鳴不絕。是不是神經線受壓？總之麻麻煩煩。
早兩日還以為會因此死掉。事緣星期六已睡到十點多，起床後人不太清醒，有暈的感覺。洗頭時更見頭暈暈。捱到頭髮乾了，頂唔住，又攤返落床，連轉一下頭都天旋。十二點左右吧。一睡就睡到七點。幸好仍醒得到。那時，心的確有點慌。因為那感覺太像打了鎮靜劑咁。。
好了。睇完跌打，再去睇中醫。執了兩包藥。耳瘴是肝的事。希望快點好。
My blog is worth $3,387.24.
How much is your blog worth?
