拉長石．Labradorite

呢條拉仔早前在觀塘入，大大粒，色水好似黑阿賽。主調係金光，藍光次之。因為金光市面少，舉手留了，厚顏把鏈擱在店擺了一輪，終於去贖回帶走。

哈哈，大概都是周圍兼隨時都買到拉仔，反而一直未買。所以嘛，這是我第一條拉仔。連店主也覺「估你唔到」。哈哈哈。

粒粒都有光，不過手拎住拍，好難光面粒粒向鏡頭，石也會拍醜啦。

這天戴住黑賽同埋拉仔，真係孿生兒一樣。哈哈哈。

其實嘛，我本來係想買一條深似黑色的拉仔啦，這條是意外。