飾金．飛鳳指環

飾金價12,650，於是又去濕平。呢隻飛鳳先生，精神奕奕！

關於鳳，其實。。有多少人知鳳係雄性而唔係雌性？漢代司馬相如對卓文君嗒哂糖，彈了一曲「鳳求凰」溝女，結果姣婆遇著脂粉客，卓文君即刻春心蕩漾，重漏夜跟佬私奔。烈火青春呀！把下半世同名聲都押哂落去。

凰才是雌性。。

唔唔。。咁，點解結婚要龍鳳燭又要龍鳳鐲又要龍鳳祝？真係一個大整蠱！史料中把鳳當成雌性，在元朝就有記述。究竟，係咪文盲太多，錯了，之後的又將錯就錯？

要記得，日本記載的靜夜思係「床前看月光」。。