Olivary Olio: 午膳時間．Marilyn Diner

次次經過太子的 Marilyn Diner 都無位。今次睇波前路過，湊巧阿桔預錯了集合時間而有一個小時空檔可以咬個好，加上見到此店有位，便入去食個午餐。店子很的骰，店內只有3張檯12個位。不過，餐牌選擇很多，而且，甫坐下，發現午餐價錢和相對的食物是絕對不合比例！怎樣不合比例？

這一餐，桔揀了意大利芝士雲吞配沙律做主菜。是日例水係香橙甘筍忌廉湯。真係鄉里桔，第一次喝這湯，味道出乎的有趣，真有意思。喝湯的時候，其實阿桔沒有問老闆這是什麼湯，只係後來鄰檯有位老顧客問這湯，才知道。

至於意大利芝士雲吞，真係好耐無食過了。配個PESTO 醬真係好味到被徹底清空。

而碟上的沙律，不知是什麼醬呢？黃色，很鮮艷，也很好味！

這一頓好，才48元咋！真係過份！比快餐店的垃圾食物平，卻比快餐店的更用心煮！如果屋企在附近，桔一定會常常去咬！

繼名寶石之後，阿桔另一飛佛！