Tonkichi

11點半就落去尖咀彩星集團大廈地庫間井吉TONKICHI吃炸物，現在回想都有點瘋狂。不過早點埋位去食，客人唔多感覺水準自然會好點，而且包保唔使等位就最合我這怕等位的人的心意。早一點就早一點吧！食食去。。
店子一直以賣炸豬扒揚名，但數年前第一二回吃卻是點炸蠔。而且，都是在尖咀的TONKICHI而不是在銅鑼灣另一間著名的TONKICHI，究竟兩間係咪真係兩間不同的店呢？
說回今次，終於柯打回豬肉而不是飛佛「蠔」。就點炸豬柳吧！蘿蔔蓉醬油配吃，應該抵去不少「熱氣」吧！
炸到金黃色的豬柳本身肉地夠軟，啖在口中，鬆化的豬柳融合配醬，真係好味到震！佐飯一流。
這裡的白飯和新鮮椰菜絲免費任添，柚子汁是椰菜絲的佐料，混在一起，香口又惹味。。若非飽到頂住個肚，真係要添飯！
越近午膳時間，客人越多，因為我坐靠近門口接待處，所以留意到侍應和客人的對話，估不到日本客人佔大多數。這裡主要賣炸物，所以見到每一位客人都在咬炸物，講真，罪惡感真係無咁大咖。哈哈哈。好味。。得閒再去食食食。