星期六的陽光又是好

朋友要去大埔一趟，而地點在大埔公園附近，反正我中午又有空喎，所以高高興興拿著相機帶埋小J一起去。雖然大埔多食店，不過既然未食早餐，首先我們約去元朗彪記逼住入去咬碗牛肚麵，再去附迎飯后食碗雜果西米撈涼一涼降降溫潤一潤先。因為今日不但勁好天，還真係好熱呀！只帶風衣，還一樣熱到出汗呀！
其實我真係第一次去大埔海濱公園。第一次去到，我就好訝異想知點解呢個公園可以種咁多花，簡直是一個大花場！花農們還不停地把一盆盆的各式又各色的花卉移到花圃裡，移到小徑兩旁栽種。。啊！公帑其實是點分配咖？縱然在市心臟的九公，都沒有種這麼多品種的花去吸引更多人流。剎那間，還以為去了花展而非大埔公園！
加上今天天藍又清，左眺八仙嶺，右眺馬鞍山，上藍天，下碧海，正爆！
想想，這陣子的星期六多是漂亮藍天。出遊拍照最好。