不可忘亦不會忘

一年

疾風知勁草

一年。悼。

抄．秦少游．鵲橋仙

七夕日。在公司食晏時間抄了一首淒美的情詩。

男人寫衷情，柔情萬縷，看著想著，總是有股奇怪的感覺。

哈哈哈。

唸唸有詞，不臉紅麼？

香立，香，香

其實點香都幾年，可是家中一直都無香立。無印那個太輕飄飄，放錐香就可，長一點的線香就會傾倒。有些香明明是線香臥香，可是放在防火棉上卻又莫明奇妙地熄火，搲頭。

明明去上海街一定買到，可是就一直無行街，早前卻在身心靈店的網站剛好見到這個銅製的香立，就買。好好用。

順手買了一筒秘魯聖木。

店主話有龍血香，不過收到包裹才知是這個熟悉的牌子。哈哈。

還有呢個…之前在廟街的尼泊爾小店大把…

一堆香，又有排點了。

一講起香品，在面書少提及香品的我，星期二晚突然有個中學同學聯絡我問起哪裡買到鼠尾草，因為家中接連有怪事云云。買鼠尾草的店我知丫，已介紹，不介入，希望幫到佢。

七月了，被「小朋友」戲弄都幾頭痕，而且好影響人的磁場嘛。

天天燒鵝髀瀨粉

話說WFH的日子，在家硬食，心情躁鬱，所以會落樓買晏或晚餐，不是買飯加小食，就買個貴少少的食物刺激不停開大收音機聽藍C節目的長輩。

呢日，著了火，落到樓見店子有派生果報，所以就用了百一元買了一份燒鵝髀瀨粉回家食。

哼哼。

真係好好味呀！

日光東照宮獻上菓子

雖然少逛街，不過都繼續濕平。呢個就是其中網購回來的好東西。

是得賞的菓子，也是德川家康的家廟日光東照宮獻上菓子。無得去旅行唯有買多點日本零食開解下啦。

好好味。

Official : 

日昇堂

水瓶女的瞬間心事

如水。變得好快。哈哈。

不過，《國聞備乘》好悶，所以抄抄下無哂心機。正如，日日見到班「兩個口」鳩叫亂落政策，睇得多就知重點其實好簡單，「越做越錯」是常態。《國聞備乘》都是類似的東西，所以…悲涼。

為何變幾十萬人工的可以咁鳩？

抄．心燒午市餐牌

練字就是什麼也寫。

而我有無講過我想有一手寫見得人的字可以讓我去茶記寫餐牌？哈哈。

心燒食堂

早前和三個朋友一齊去心燒食晏〔因禁晚市堂食被迫早開店做午市〕，即使分檯而坐都傾到偈啦。至緊要支持店子。

好開心，在店裡遇到葛民輝哩！不過作為一個有禮貌的食客，唔會打擾人啦。

荔枝梳打。夏天飲一流！

樣樣都想食，不過先揀個吉列炸蠔，因為感覺真係好耐無食過。前菜有牛蒡絲和…東風螺？真的！

好好味！

加了兩個小吃，湯丸和燒芝士年糕。飽飽！

大滿足。

下次跟誰來好？

又買墨

呢兩瓶係被引誘下付錢。

Pierre Cardin 的 Verdi Violet Red 帶金 sheen ，好靚。是谷友知我喜歡紅色墨而推介的 must buy item。

望盒係唔會知效果如何驚艷，多謝谷友，果然好美。

TACCIA 的呢隻 SUNAO-IRO 〔素質系？〕Jeans Ink 3 Navy Blue 本來不在我的 wish list ，不過在店試筆時店方用這瓶墨供客人試筆，寫緊的時候就愛上出紫 sheen 的色。即買。

40ml ，有排飲。

STREAM PRINT SOCKS

買了一對靚靚襪子，不過我肥腳，覺得好緊。

要檢討下肥呢個問題。

入樽 illustrations 2 plus

數月前路過漫畫店，忍唔到手訂一本。睇唔明日文，都係訂返中文版，反正，這插畫集是在日本印行。

和尚頭櫻木依然可愛。

由追漫畫開始，到有動畫…真係光陰似箭。我都老了。

保持少女心真的不易。哈哈哈。

奧野晴明堂．抗疫香

前之在店網購入，因為用了的人魚圖騰 Amabie 是日本古代防疫人魚妖怪。內文說是依漢方醫書入藥已成，點起來聞真係好舒服，沒有嗆喉的化學香精。正。

雖然我不知道惡靈退散這回事怎的也需要 Amabie 囉。哈哈。

官方網站：

http://www.osenkou.com/

抄．辛棄疾

抄哂的，可以下半字勁醜，所以遮住先！

再練…

名為樹海的墨

冬夜的樹海，萬籟俱寂。一望無垠的樹冠層鋪上如糖霜的雪，在清冷的月色下發出點點磷光。樹海就是這種感覺。

這是我在面書群組寫的關於對樹海的形象。

出外靠朋友是沒錯的啊！這瓶樹海是谷友順手幫我聯絡日本文房店訂回來的。啊啊啊！

因為色是深綠帶 sheen，所以極似磷光。

愛呀。

飲杯

攝於8月7 日晚。

唔飲酒的我只好斟杯奶飲飲！

Gohobi - 骨膠原果凍

骨膠原在成年女人身上日復日流失，阿妹曾叫我打骨膠原針確係好大刺激！人老珠賤…嗚嗚！

目前疲情未過，唔好亂來，先買返些好東西補下啦唯有！

於是，在我想買骨膠原的時候，我幫襯開的小店突然推這個團購！簡直天意難違，感謝吸引力法則！所以我每一味道都入一個！

崗山白桃加玫瑰，吃完滿口玫瑰味！

還有士多啤梨…

提子…

Official :

岡山果實工房 - https://kajitsukobo.co.jp/

像極了愛情

之前好多人用了「像極了愛情」作句，湊巧出現了AV夢漫畫，於是順手拈來…

天天燒鵝

真係好好味的呀！睇相都知道好惹味啦！

抄．Charlie Chaplin

要抄一抄我偶像的另一段座右銘。

炒菜滾湯

其實我是蔬菜人，菜可以成斤咁食囉！至愛第一係通菜。正。雖然雨後最好食白通，不過在街市見到阿毛一埋菜檔就落手揀菜，喂，你隻手乾唔乾淨呀？所以，最終都係買返放在山頂位的菜好了。

腐乳炒，正！

要在家工作，又唔夠糧食，尤其係蔬食，所以搵日急急走轉街市買幾樣蔬菜回家煮下啦！

同屋用到隻鑊很油膩，我煮食都要趁佢煲緊劇唔得閒入廚房時做。免得被發現在先做一輪大清潔又嬲豬發癲。這正是我不在家食的原因，吃同屋整的菜餚，會肚痛的。

久違的炒菜心。正！

留了一點，晚上賒了個即食麵，又一餐。

冬瓜解暑，所以也煮了一碗，加了辣椒油，惹味。

落了三磚腐乳…香噴噴啊！

下火湯是必須，所以又滾碗節瓜湯畀自己。肉是三月時在超市買的丹麥豬肉，解凍後用胡椒味醂一起醃一下，再賒來一隻鹹蛋，這豌湯極之滋味！

我其實都食得好平…