Olivary Olio: 03/2020

31.3.20

sad but true

在家寫字。抄了一段歌。

我唔記得點解我會有睇過 1968 年的《殉情記》。不過呢隻歌係正到十幾廿年前在英國的 Tower Records 網站訂了隻 CD Single 回來。黐線的我。

好啦。隻碟唔知畀我塞了去哪裡，都沒有去搵，想聽就去 YouTube 找，太方便。

不過嘛，我唔 buy 呢個故事，但女主角心口的兩團肉太過招搖好難忘。儘管，我後來為了利安納度而睇埋後現代激情篇。

哈哈哈。

Death will come soon to hush us along…今日唔知聽日事。

感慨無常。

生命無 take two 啊。

胖次之貓

因為虎斑貓的帶子太似胖次，抱歉，就叫胖次貓吧。

嘩哈哈。好腹黑呀我。

希望唔阻兩位店長小憩。

Yokoi 黑色口罩

呢隻日本品牌口罩，有 BFE． PFE． PM2.5，有趣的是，這個黑口罩係 made in 芝麻國。我望到都忍唔住咦了出聲。

嘿。唔出口畀香港，但外國廠的生產線，還是照做。

Official :

Yokoi Mask JP 株式会社ヨコイ

30.3.20

榮少叻沙

特別去天盛邨的黃店買外賣。叻沙正，不過今次要試豬軟骨飯，肉燥汁底，好好味！

安心寶無紡布口罩替換芯片

在買能量用品的網店買了三包環保替換式芯片，一包有25片，再可裁4塊，一包就用足100次。於是一包硬塞畀阿日。哈哈。

係丫，我也有布口罩啊，買這個正合用。

Official :

安心寶 - 環保替換式芯片

台灣藍鷹牌口罩

這盒口罩防塵防花粉，一月前買落，係我春天有氣喘的毛病所以什麼功能的口罩都好都要買定。我嘛，一月四號開始至今都在戴口罩。戴到我覺得即使做了整容手術隆鼻削尖臉也不會被發現…因為好多人連公司同事已一整季無見過我的臉，或許唔記得我本來咩樣了。。哈哈哈。

Anyway ，呢盒口罩到依家都未開來用。

唔好誤會，有時我係會戴兩個口罩出街的。

Official :

藍鷹牌

29.3.20

Balea 膠囊

每粒膠囊都閃閃發光，於是我買了這包海藻玻尿酸回家。

當德國都受肺武波及，疫情在上升，需要 refill 的貨品還是趁早去買定好了。

Official :

Balea - dm Germany

山本紙業信紙

逛逛文簿具社，見到這款黑信紙，紙是專為鋼筆用，想想自己買的金沙色墨水應該用得著，所以買了一份試試。

都係一句，我還未寫出第一封信。

明明我以前幾乎個個星期寫信，密密寫畀同學仔，也寫給他。。還記得他有次曾跟我說地址樓號是錯的，但我就一直奇怪，錯了的樓號為何他仍會收到我的信件。不過嘛，當時知道信件能順利寄達到他手上，而他也沒有嫌惡沒有叫我不要再寄信給他打擾他，就滿心感動啦。

儘管隔了很多年，想起這些情懷，還是感到心甜。

扚起心好好的再寫點什麼吧。

Official :

山本紙業 http://yamamotopaper.com/

仰天…

堅尼地城的天空。

28.3.20

花王衣料用漂白水

在超市見到乜覺得有用就買乜。呢樽漂白水，屋企有，不過老人家拎唔得重物，我見到都出下手添貨啦。好重。

螞蟻搬家咁。

Official :

KAO JAPAN

角落生物簿子

在七仔忍唔住科水買，實在太可愛喇。。重有閃粉圍邊啊！

企鵝仔學以致用，做起老師了。怎的教青瓜呢？

莫非修的是調理農務系？哈哈哈。

潮州人

月初和朋友濕平完路過太子，又衝去潮州人食煮蜆，也叫超滋味的雞油灼菜。

好大隻好肥美。我連湯都飲哂！正正！

醉雞好入味，正！

自從食過呢個菜後，有日我在家煎完雞翼後都用剩下的油炒了四棵菜，好味到震！

食隻蛋。

是日店主在門外弄緊浜燒肉，有拎過來畀我和朋友試味，不過咱們倆都戒了牛，所以享受唔到這次美味。

喜歡潮州人的話，要去支持新菜式呀。

27.3.20

薰衣草頭

我曾擁有如幻的薰衣草髮色。不過嘛，好多事都係過眼雲煙，特別係染頭，好快甩色啦。

所以，拍照做一個記錄。

咪講笑，離開髮廊無耐，在路上突然有位嬸嬸讚我髮色整得好靚…哈哈哈。乜咁熱情。

可不可換成一個靚仔跟我講同一番話呀喂。

因為髮色搶眼，懶到不妝一段日子的我自此不得不好好化返個妝扮返似個「人」至出門口啦。

齊抗疫

一齊撐過疫情，缺一不可！

得記消毒搓手液

去SSP梗係走轉得記買防疫用品啦。

其實我都去了得記好多次。

這批是第一次去買防疫用品的收穫。

這小瓶搓手液在我疏忽沒完全蓋實又匆匆塞入袋的情況下，在尼龍袋內悉數倒瀉哂。幸好揮發得快，袋也是黑色，所以只能當「被浪費」了。

這瓶我用來噴鞋和噴外套。。畢竟外套真係無可能日日著完拎去洗。

願疫情快點完結。

原汁原味

上個月去醫師度正完骨，去了灣仔道的黃店原汁原味食飯。開業咁耐，第一次來。

好味。

26.3.20

抄魯迅．惜花四律．二

支筆出墨不太順，變成陰陽色。筆店老闆見狀，叫我帶支筆畀佢睇睇。

看來又一支筆要入廠。究竟我點解會把筆弄成咁樣樣？

BTW，魯迅的詩依然很美。

字醜，襯不起如此優美的詩。

陶冶性情的事，都要技術。

便利店買到的日本零食

在OK便利店見到有趣的日本直送糕點都會買來試試，呢個都可以。至少比香港的美味好多啦。

Official :

Hitoiki Cafe

WD40 Lava Soap

話說之前練字玩墨但瓶子的蓋竟然漏墨，扭開蓋後發現沾到手上，重要好難完全洗甩要上鋼筆群組求救。鬧著玩而答，也有叫我隨緣由佢，也有人提議沖多幾次涼墨就會褪去…當中有筆友介紹買這個用，於是幾日後在公司樓下的五金店買得。

買定都要啦。

勁。估唔到有呢樣好東西。

為何當年上炭筆畫班無呢樣供應畀學生用？突然想起，當時在金鐘上堂後，洗極都係帶黑漬的手，要穿過太古廣場…即使布袋提著畫紙裝〔扮〕文青，可是感覺就是盡快回家去，連店子都不敢亂入。

哈哈。回想，是一個老好日子。那時應該沒有什麼人生煩惱吧。

Official :

Lava Soap

25.3.20

唔知邊堂的功課

其實十二月上完堂後一直都被疫情影響停了課，不過學會的工作室還是照常要交租，加上大家都餓上堂，於是上星期終於再開始上課。

十五十六之後，我還是去上課兼交新一期的學費。

由於老師在谷度有分享他的書法，所以在上堂前都有做少少功課啦，兩手空空上堂真係好醜怪又失禮。

可能鋼筆那更要注動姿勢，姿勢錯完全出唔到墨，加上寫每個字先搵出重心位置寫出來才好睇，所以再拎返起毛筆寫字，似乎比之前順手得心。

寫方筆字真係好好玩。找到樂趣，沒有寫寫下暴走。

呢次功課滿意。

麵包店老老貓

驚見牠出店蕩了一陣，轉頭都慢慢行返入店。

很久沒見，老了很多。

祝安好。

Charlie Brown 矽膠杯蓋

家中用開的矽膠杯蓋拎了去廁所遮企缸的去水口，要再買杯蓋，遲遲未行動，呢日來到征服世界，對 Charlie Brown 一見心動。於是就帶了回家啦。

好囂張的杯蓋。哈哈哈。

咁樣好似氣場。哈哈哈。

24.3.20

很久沒吃魚香茄子了…

今晚來一煲。

Himalaya Hand Sanitizer

在尼泊爾旅行時見過的名牌子，九十年老字號。

竟然在百佳見到。

Official :

Himalaya

23.3.20

抄魯迅．惜花四律．一

詩真係好美，所以也慢慢手地謄一下。

墨色是近日花期的「苦楝」，產自台灣的藍濃道具屋。

Nippon Mask - Miffy 口罩

連 Miffy 口罩都入到貨。事緣係朋友在飛藥堂入了五包後在谷度問有無興趣，我舉手要一包啦。

防疫不忘扮嬌俏。

Nippon Mask 有 Snoopy 口罩，勁可愛的。朋友見我在面書分享就話我毒緊佢…其實我咪一樣，真係好想好想要啊。

希望日本人快點捱過疫情，繼續為世界帶來精品。

22.3.20

毛穴撫子面膜

戴口罩戴了快三個月，自新年後為了慳口罩可重用，連妝都無化。本身皮質差吸收慢，未吸收哂臉上的護膚品就戴上口罩出門口，加上兩個口罩的重裝備，膚質也變粗糙了，出油還加爆瘡。

陰公。

於是又要去買面膜。

不勤力是不行。

係，已經不行了。

先買這個先…買男子用的款，會不會效力大D？反正我比很多男人 Man 。嘿嘿。

Official ：

毛穴撫子

一豊

好想食魚生，又不想去另一區，於是來了這裡…

新鮮。好食。

21.3.20

潔而亮

香港的店已不斷進化，搜羅世界各地的防疫衛生用品。這樽來自愛爾蘭的 Cif Power and Shine Antibacterial Multi-Purpose Spray 700 ML ，以前從未出現過在本地的貨架上，而我買這個，竟然在 Circle K 。廿九元咋。

強力去污液係好用的，所以對這品牌有信心。