去了一間文房店

老銅時代廣場附近有間文房店，一直想去，終於有日路過。

有些店須要親身去一次去支持，尤其是我是一個文具愛好者。

不過，一次就夠了。

好怕入到店被當成賊咁，有對眼跟住旁邊盯住你拿起什麼望住什麼然後開始介紹。這是不好的購物體驗。

O 嘴係，口在推介貨品，卻又唔熟貨品的貨源，點呢？強調貨品是香港設計，但我望到件貨係印住係 MIC…我指出之後，店主才認真望一下貨品…

囧。

有許多技術，MIC 做唔到品質保證，圖中這支原芯筆，直頭係大陸品牌，我喜歡這色，不過，但唔好寫。嘿。 

這本 Modena 簿，支持封面個本土設計而科水，不過，都係 MIC 。

屬好貴的大陸製品。

傻事幹一次就夠。

日本製格仔簿

和朋友逛十二元店，佢介紹呢隻紙寫字。哎呀，屯門店都無呢隻啊。

即買。

Top Blade Steak Lab

本來約好去郊遊，不過大家過於鬆散，而且有朋友剛禪七出來腳趾起了水泡，如果行山時磨穿的話也太辛苦和痛，所以借機改為聚餐啦。哈哈哈。

於是又去黃店。這裡的扒太好味，所以又來了！

估唔到，在店裡碰見朋友。哈哈，突然世界變我很細。哈哈哈。

二次元世界．二

這一套以職場為背景的漫畫我都超級喜歡，至少女主角不是一貫大癲大肺想法跟行動都胡胡鬧鬧的角色。

故事由一宗家族婚約開始，女角係頂替悔婚的姐姐，同時他亦是男主角家族企業社長的女秘書。當然，男主角就是這位社長。

故事中的人物角色都很溫柔，是好溫暖的故事。

推介。

水飯鏜

茄子肉燥飯。正。

菩薩寺．簿

台灣菩薩寺的出品，高質到對我來講係「收藏級」。掛曆好靚，不過已有掛曆了。呢日上去漢礼度買少少東西，見到有菩薩寺的物件，心喜。入。

漢礼介紹：

https://www.thehanli.com/products/just-as-it-is-notebook

文華饕記

去灣仔正骨後，信步來了克街搵地方食晚飯。坐卡位，在檯上有顯眼的膠布貼了中間位置，喔，是早前被人破壞的傷口吧！

可惡。

但貼膠布也太奇特吧！

好耐好耐好耐無食豉椒炒蜆喇，呢度晚市有，嗌返一碟滿足肚皮先！

正正！

Q仔

屬屯門區的靚仔店長。是晚心情看來很好，肯坐定定望鏡頭畀我拍照。❤️

被靚仔盯住，好夢幻。

第一次寫對聯

除夕前的課，老師話教寫揮春，叫大家諗定有咩想寫可以示範，自己回家再自行臨帖。嘩正！我梗係大把大把字想寫啦，老師的字遲些會再放返上來。既然有同學已在谷度講了想寫重要口號〔而且他們更寫了一定數量，在元旦遊行時派畀同路朋友！〕，所以不再重複要求，就寫些我一直在意的人生座右銘吧。

這個，在網上搜得。拖到年廿九至起動。因為我把老師的揮春送出去時，有人問我係咪我寫，我話唔係，是老師的寫的，我還未開波〔汗〕，於是在被「睨」了一野後，晚上回家老老實實坐穩檯邊斟墨寫啦寫啦。

這是來民國草聖于右任的名句。意思太好，所以捎來為自己豉舞。

圖中的十隻字係我寫的啦。是人生第一次寫揮春兼不是在格仔紙上寫臨帖，儘管字裡行間充滿「個人風格」，但喜歡就是喜歡嘛。

祝大家新年順安。互勉！

梅貴園

和朋友在SSP上完個workshop正好是午餐時間，所以去了隔一個街口的梅貴園食個素食自助午餐。

好多辣食物，落了椒椒，好惹味。而且，不停上新菜式，明明想停口但又忍唔住出去再夾少少少少少少咁啦。

我愛帶辣的椰菜花！

店子出品有薑汁糕，好少在出面食到，我都好似係第一次食，好好味呀！馬豆糕都正，饅頭好鬆軟。這裡的糕點都好好味。

連大豆芽都係辣的。

蓮藕片，青瓜，海藻也是辣的。嘩哈哈哈。

負責人不斷來回檢視整理爐上的食物，撥抹添移無停手，成了店的一道美好風景。當然我唔係鼓吹「勤快」啦，只係睇到「上心」的喜悅。

在乎，希罕才會有無窮動力。

你懂的。

Sailor 若竹 55度鋼筆

因為只係幾十元，所以帶了這一支55度書法尖鋼筆回家。

老實講，眼闊肚窄，未駕馭到這支筆啦。〔汗〕

網上不少高手用它寫得一篇好字。羨慕。

Official :

Sailor JP

榮華南洋冰室

和老朋友見面，又有汪星人陪坐，所以朋友推介呢間。嘩哈哈哈，全日早餐果然無處不在，呢個南洋式的真係唔試唔得。

梳打水？

其實是菠蘿蜜冰。因為不似菠蘿咁本身浸住糖水，所以呢個真係唔算甜。推介。

食肉獸之早餐。酸青瓜好醒神，正。

好味。

二次元世界．一

話說我這陣子〔好一段日子了〕在煲漫畫，粗略估計都過百本…

如果以朋友在禪修時學來的講法，我目前的狀況就是「移情」吧。

這套漫畫是我喜歡之一。因為真係好抒懷。原來在 YouTube 度發現動畫版和真人版，而且本地某「國營」電視台都有播過。當然，play 了一陣頂唔順，男主角和配音把聲太過唔 match 囉。

別以為少女校園漫畫空洞，當中都有不少人生大道理呀，女主角的勇往直前，男主角對世態的反應的轉變，都好正。與其浪費時間糾結於面子拗來拗去，不如爽快處理滿足對方。不是妥協，不是犧牲，單純是一個人對愛人的溫柔。

應該是我還沒有經歷過結婚也沒有孩子，心態轉變應該無咁大，所以，少女心未成「歷史」，因此睇青春校園漫畫仍會大笑仍會悸動。

推介。

〔係，我無打算開名，寶係要尋先好玩〕

心燒之煲底見

在網上識了朋友S數年，雖然一直有聯繫，可是住在同城的我們這些年來沒有正式見過面食個一餐飯。因為之後會一起去旅行，湊巧見阿葛介紹心燒出「煲底蜆」，於是就約在這裡煲住見！

想想，都無乜講點講旅行的事，反而好專注店子的美食。哈哈。兩條友，食了成千銀。

呢個荔枝特飲好好味。

蟹膏多士。絕對係蟹膏多過多士。

我飛佛！

雞肉串，正。

南瓜。

清酒煮蜆！

煙肉蠔串。

第一round。

第二 round 。有煲底蜆。因為用了不同的清酒，而且這個清酒係得大獎的酒啦，所以味道濃好多，我連個蜆酒湯都飲了，因為好暖胃。

好好味。

炒菇。

名物海膽飯。好鮮！

好滿足呀！

食一餐都咁樣，去日本真係唔知點算。嘩哈哈哈。

墨

在鋼筆店上了個關於寫字的小班，完後的購物時間會有9折，忍到手唔買筆，但忍唔到唔買墨。哈哈。買了台灣藍濃道具屋出品的苦戀…苦楝花之色！

以前跟山旅人遊山，山旅人會叫這樹做苦戀。因為楝的粵音為「練」嘛。

By the way，醍醐是什麼味？常說醍醐灌頂，想必應該好好味吧！

還是蝕骨銘心之味？

住的村裡常經過的路上有兩棵苦楝樹在2018年山竹襲港時吹得支離破碎，一棵傾斜要斬去，另一棵樹齡較大的雖保得住不塌，可是枝椏已疏落很多，上年的花期，如劍合釵圓那幕霍小玉梳妝，淒淒涼涼的。

日本人總會為墨色添上一層深意的名字。這瓶寫樂墨水是先睇中這揀色再決定買，所以當時唔知「土用」的意思。不過留意，土用叫 doyou 。

日本人對美，好執著。

〔係愛呀！哈利！〕

Official : 

藍濃道具屋

Sailor ink

雪糕

七仔出了 Apple n Camembert Cheese 日本蘋果配軟芝士新地，未試過新口味梗係要試試啦！我覺得好好味喎。

推介。

哈哈，對上一回食七仔的限定新地，都係呢間分店。都係等巴士前忍唔住貢入來買杯食完先上車。

好味。

Official :

7-Eleven HK

眾旅尋貓月曆

今年有人送我座檯月曆，而且係貓貓月曆，多謝。

素食…

去上環做個儀式，好多食店都無開，入了呢間。不過，未必係藍，但老闆好似係政協。

咁囉。

Pheva Chocolate

在網店瓹窿瓹罅度買。好好味的越南 dark chocolate 。有同事吃過都話正，即日落柯打買。

多謝店子介紹。跟去過越南旅行的朋友講起，佢都唔知有呢樣越南名物。哈哈。

Official :

Pheva Chocolate

天天燒鵝

天水圍南的的黃店不多，幸好有間勁黃的燒味店！哈哈哈。

叉燒係我喜歡的味道。會再買。雞也好嫩滑…

比起以前屋企買的斬料，常常食到粗「0鞋」感，這個真是滋味。

燒鵝和燒肉都好味。會多點去買。

好滿足啊。