若果一間營運中的餐店大部份侍應都是新人，都幾大檸樂。這天，阿桔在
PMQ 就目擊亦感受了了這一場災難。感覺像明珠台的廚神節目搬到現實中。
睇展覽前去了這家餐廳醫醫肚先。阿桔揀了午餐： 煙三文魚沙律，炸魚薯條，甜品。加杯草莓
smoothie 。本來打算食個開開心心的。。
好喇。侍應落唔到單，等了一輪，個入單入到火火地的負責人過來聽阿桔講完不夠三步埋機亦不夠兩分鐘已忘了阿桔叫什麼沙冰。 又問。
法國菜，完全可以睇住書等。
不知道有多少人認為這個炸魚係正常炸魚薯條的炸魚和薯條。。而阿桔所認知的炸魚及薯條絕對不是這個模樣。。莫非要去酒吧上英式餐廳才吃到正宗的炸魚薯條？這款炸魚，平日阿桔吃廿幾元的早餐都有呀！薯條就係入茶記咬下午茶吃到的那種。唉。
為何沒茄汁？阿桔跟侍應講了一次。看著她入了廚房咖，不過出來後沒有奉上茄汁，反而行了出店做其他野，之後完全不了了之。結果隔了好耐，有人留意到阿桔又揮手，行埋來又要講多次才有另一個拎茄汁來。正常客人點薯條都應該上埋茄汁啦喂。
好了。吃了主菜。跟侍應說可上甜品，哦完之後又無左成件事。。人去了做其他事。又隔了一陣，阿桔又要揮手搵人再講甜品未上。嘿嘿嘿。甜品剛到，還未開始食，個侍應竟然向阿桔遞單要找數。『我無嗌埋單喎。』跟住個侍應就好尷尬地行開。
除此之外，負責人不時當著客人前喝停員工的行動，乃實屬不智的行為囉。然而，奇怪係那幾個員工亦好像長遊太虛咁，不時去做份外的事又遭喝停。不止一次聽到負責人燥到講哂粗口，即使粗口不是對住員工講，可是這個仍然令食客好不安。
嘿嘿。。太亂了，所以跟鄰桌同一遭遇的西人吹埋水。她坐低後揮哂手都沒有人埋去招呼佢，隔左段時間有人見到，走埋來問佢係咪要餐牌。嘿嘿。之後，佢都要餐紙，又係揮左好耐都無人理佢。好喇，搵到人，卻只遞來一張餐紙咁多。到後來埋單，佢又問點解無甜品。。
因為阿桔同佢成日在等服務，所以就吹水。佢話見到間餐應靚，所以入來，估不到咁樣。佢睇得出侍應都幾縱橫四海，都覺得好無奈。阿桔咪話佢知自己都係因為咁入來，亦被服務嚇親，無下次啦。
佢臨走前，大家祝對方
have a nice day ，忘記這裡。。哈哈。
